Konstıtýsııa kúni qarsańynda 33 otbasy jańa qonysqa kóship, qýanyshqa keneldi. Jańa páterler Atyraý qalasyndaǵy "Nursaıa" yqsham aýdanynda boı kótergen 9 qabatty turǵyn úıden berildi. Baspana alǵandardyń deni – 2013 jyldan beri turǵyn úı kezegine tirkelgen kópbalaly otbasylar, dep habarlaıdy Egemen.kz
"Bul – "Nurly jer" baǵdarlamasy aıasynda jalǵa berilgen páterler. Atalǵan baǵdarlama aıasynda jyl basynan bergi 8 aıda jańa baspana alǵan otbasylardyń sany 257-ge jetti", dedi Atyraý qalalyq turǵyn úı-kommýnaldyq sharýashylyq bóliminiń sektor meńgerýshisi Rafhat Joldıev.
Onyń aıtýyna qaraǵanda, jyl aıaǵyna deıin turǵyn úı kezeginde turǵandarǵa jańa páterler beriledi. Sondaı-aq, apatty jaǵdaıdaǵy jataqhanalardyń turǵyndary da jańa mekenge kóshiriledi.