Atyraýda bilikti kadr tapshylyǵy áli tolyq sheshimin tapqan joq. Máselen, medısınada 278 dáriger jetispeıdi. Al bilim salasyna 472 pedagog qajet. Sol sebepten, jyl saıyn mektep bitirýshi túlekterge oblys ákiminiń granty beriledi. Qazir elimizdiń joǵary oqý oryndarynda ákimniń grantymen 500-ge stýdent bilim alýda.
Al bıyl ákim grantyn ıelenýge 132 talapkerden ótinish tústi. Oblys ákiminiń orynbasary Baqytgúl Hamenova jetekshilik etken arnaıy komıssııa 78 túlekke grant berýge sheshim qabyldady. Endi ákim grantyna ıe bolǵan túlekter oblystyq bıýdjet esebinen bilim, densaýlyq saqtaý, aýyl sharýashylyǵy jáne basqa da mańyzdy salalar boıynsha tegin oqıdy.
– Ákim grantyn ıelengenderdiń deni – bolashaq muǵalimder men dárigerler. Onyń ishinde 27 túlek M.Ospanov atyndaǵy Batys Qazaqstan memlekettik medısınalyq ýnıversıtetinde, úsheýi L.Gýmılev atyndaǵy Eýrazııa ulttyq ýnıversıtetinde tegin bilim alady. Tórteýi M.О́temisov atyndaǵy Batys Qazaqstan ýnıversıtetinde, altaýy «Nur-Múbarak» Egıpet ıslam mádenıeti ýnıversıtetinde oqıdy. Bir túlek Jáńgirhan atyndaǵy Batys Qazaqsan agrarlyq-tehnıkalyq ýnıversıtetine, taǵy biri T.Júrgenov atyndaǵy Qazaq ulttyq óner akademııasyna, 36 talapker H.Dosmuhamedov Atyraý memlekettik ýnıversıtetine oqýǵa tústi, – dedi oblys ákiminiń orynbasary Baqytgúl Hamenova.
Oblys ákiminiń granty taǵy 11 túlekke berildi. Onyń 10-y dene shynyqtyrý muǵalimi, 1-eýi kitap isi mamandyǵymen oqıdy. Osylaısha, bıyl oblys ákiminiń arnaıy grantymen joǵary bilimdi tegin alatyn túlekter sany 89-ǵa jetti.
Atyraý oblysy