Osydan dál 35 jyl buryn, ıaǵnı 1985 jyldyń 25 tamyzy men 1 qyrkúıegi aralyǵynda Shvesııanyń Sedertele qalasynda aýyr atletıkadan álem chempıonatynyń jalaýy jelbiredi. Tórtkúl dúnıeniń 38 memleketinen kelgen 200-ge tarta taý kótergen tolaǵaılar segiz kún boıy saıysqa túsip, 10 salmaq dárejesiniń túrli-tústi júldelerin sarapqa saldy.
Skandınavııa túbegindegi saıysta negizgi básekelestik, ádettegideı, KSRO men Bolgarııa quramalary arasynda órbidi. Bálkim, keıingi býyn ókilderi «Balqan túbeginde ornalasqan shaǵyn ǵana eldiń órenderi Keńes Odaǵy sekildi jer-jahannyń altydan bir bóligin alyp jatqan alyp ımperııaǵa qalaı qarsylyq kórsete aldy eken?» dep tańdanýy da múmkin. Biraq ótken ǵasyrdyń jetpisinshi jyldarynyń basynda Bolgarııada myqty bapkerlik mektep qalyptasyp, atalmysh memlekettiń ziltemirshileri dúbirli dodalarda keremet nátıjelerge qol jetkize bastady. Sonyń arqasynda olar álemdik aýyr atletıkanyń kóshbasshy komandalardyń birine aınaldy. Osynyń barlyǵy da áıgili Ivan Abadjıevtiń ustanymy men izdenisi, eńbekqorlyǵy men tabandylyǵy, paıymy men parasatynyń arqasy ekeni esh daý týǵyzbasa kerek. Sportty ǵylymmen ushtastyra bilgen maıtalman maman qysqa ǵana merzim aralyǵynda óz otandastaryn orasan zor bıikterge jeteledi. 20 jyl boıy Abadjıev (1969-1999 jyldar aralyǵy) óz eliniń ulttyq qurama komandasynyń tizginin ustady. Mine, sol kezeń «Bolgarııa aýyr atletıkasynyń altyn dáýiri» dep atalady.
1985 jyly uıymdastyrylǵan álem chempıonatynda Bolgarııa ziltemirshileriniń myqtylyǵyn eriksiz moıyndadyq. Sol jarysqa deıin olar jalpy komandalyq esepte KSRO-dan qalyp qoıyp, únemi ekinshi nemese úshinshi orynǵa turaqtap kelgen edi. Esesine 1972 jyly Mıýnhen Olımpıadasynda bolgarlar basty qarsylasynan ozdy. Shvesııada da olar alyp ımperııanyń apaıtósterin altyn tuǵyrdan taıdyrdy. Naqtylap aıtsaq, osy jarysta sarapqa salynǵan 11 altynnyń altaýyn Bolgarııa quramasy ıelendi. Qossaıystyń qorytyndysy boıynsha bas júldeni oljalaǵandar – Sevdalın Marınov (52 kılo), Nıno Terzııskıı (56 kılo), Naım Shalamanov (60 kılo), Mıhaıl Petrov (67,5 kılo), Aleksandr Vyrbanov (75 kılo) jáne Antonıo Krystev (437,5 kılo). Keńes Odaǵynyń aýyr atletterine tórt altyn buıyrdy. Bul júldeler Iýrıı Vardanıan (82,5 kılo), Anatolıı Hrapatyı men Vıktor Solodov (90 kılo) jáne Iýrıı Zahareevıch (110 kılo) syndy sańlaqtardyń úlesinde. Taǵy bir salmaq dárejesinde majarstandyq Andor Sanıdiń (100 kılo) mereıi ústem boldy. Sederteledegi kórsetkishteriniń kezdeısoq emestigin bolgarlar kelesi jyly Sofııada ótken dúnıejúzilik dodada dáleldep, komandalyq esepte taǵy da birinshi oryndy ıemdendi.
Osydan 35 jyl buryn Shvesııada shymyldyǵy túrilgen álem chempıonaty qazaqstandyq jankúıerlerdiń de jadynda. Sol jarysta bizdiń Anatolıı Hrapatyı óner kórsetip, óziniń sporttyq mansabyndaǵy alǵashqy altynyna qol jetkizdi. Iá, oǵan deıin otandasymyzdyń eki ret KSRO chempıony (1983, 1984), Odaq kýbogynyń ıegeri (1983, 1985), KSRO halyqtary Spartakıadasynyń jeńimpazy (1983) jáne Eýropa birinshiliginiń qola júldegeri (1984, 1985) atanǵany ras. Biraq bul jarystyń birde-bireýin dúnıejúzilik dodamen esh salystyrýǵa kelmeıdi. Sedertelede A.Hrapatyı óziniń komandalyq áriptesi V.Solodovpen birge bas júldeni oljalady. Sol kezderdegi ereje boıynsha qos sportshynyń nátıjesi men salmaqtary birdeı bolsa, ekeýine de altyn medal tabystalatyn. Qossaıystyń qorytyndysy boıynsha olar 412,5 kılolyq ziltemirdi eńserdi.
Mine, jerlesimizdiń halyqaralyq arenadaǵy jeńisti joly osylaı bastalǵan edi. Aqmola oblysynyń Atbasar aýdanynda týyp-ósken Anatolıı odan keıin kóptegen dúbirli dodalarda atoı saldy. Atap aıtsaq, KSRO quramasy sapynda 1988 jyly Seýl Olımpıadasynyń jeńimpazy, 1985-1990 jyldar aralyǵynda álem jáne Eýropanyń bes dúrkin chempıony atandy. Elimiz táýelsizdik alǵannan keıin de Hrapatyı san márte qazaqstandyq jankúıerlerdi qýanysh pen shattyqqa bóledi. 1996 jyly Atlantada alaýy tutanǵan Olımpııa oıyndarynda kúmis medaldi ıelendi. 1993 jáne 1995 jyldary ótken álem chempıonattarynda qolaǵa qol sozdy. 1994 jáne 1998 jyldary uıymdastyrylǵan Azııa oıyndarynda kúmispen kúpteldi. Basqa da onyń tolyp jatqan ataqtary taǵy bar.
О́zekti órteıtin bir ókinish, aqberen Anatolııdiń ǵumyry kelte boldy. 2008 jyldyń 11 tamyzynda Aqmola oblysyna qarasty Arshaly kentiniń mańynda motosıkldi tizgindegen ol qarsy baǵytqa shyǵyp ketken Toıota kóligimen soqtyǵysady. Dańqty sportshy sol jerde jan tásilim etti. Ol nebári 44 jasta edi...