Pıkasso men Moneniń kartınalaryn saǵynsańyz, ıakı Djakommettıdiń músinin tamashalaǵyńyz kelse, marhabat. Osy aptadan bastap Nıý-Iork mýzeıleri uzaq ýaqytqa sozylǵan demalystan soń qaıta ashyldy, - dep habarlaıdy Egemen.kz.
Manhettendegi zamanaýı óner mýzeıi (MoMA) óz jumysyn qaıta jalǵastyrǵanymen, óner ordasyna kelýshi jurttyń qarasy kóp emes. Árıne, bul karantındik qatań erejeniń saqtalýynan bolyp otyr. Budan bólek Nıý-Iorktegi Metropolıten óner mýzeıi de óz jumysyn bastady. Kelýshileriniń sany shekteýli mýzeıdiń aptadaǵy bes kún boıy esigi ashyq. Munda da sanıtarlyq erejelerdi saqtap, betperde taǵý hám araqashyqtyqty buzbaý – basty nazarda. Qatań sharalarǵa baılanysty Metropolıten ashylǵan alǵashqy kúni ádettegideı 30-40 myń emes, 10 myń qonaqty qabyldaǵan.
Aıta keteıik, pandemııa saldarynan Metropolıten óner mýzeıi karantındegi ýaqytta 150 mln dollar joǵaltyp, 400 qyzmetkerin qysqartqan. Bul jaǵdaıǵa Nıý-Iorktaǵy barlyq óner oshaqtary tap bolyp otyr.