Sheshimin kútken máseleler bar

Senator Jaıyq-Kóshim ırrı­ga­sııa­lyq júıesiniń quramyna kire­tin Kırov sýqoımasyn jańǵyrtý qajet­tigine nazar aýdardy. N.Tóreǵalıev al­da­­ǵy ýaqytta respýblıkalyq bıýdjet­ten qarajat bólý týraly máseleni kóteretinine sendirdi.

* * *

Májilis depýtaty N.Sabılıanov Shyǵys Qazaqstan oblysynda halyqpen kezdesti.

Kezdesýde ol áleýmettik-ekonomı­ka­lyq máseleler, sonyń ishinde avtomo­bıl joldaryn jóndeý, turǵyn úı salý jáne turǵyndardy joǵarǵy jyldam­dyq­ty ın­ternetpen qamtamasyz etý, aýyz sý sııaq­ty birqatar máselelerge nazar aýdardy.

Sapar barysynda ol Abaı aýdanynyń Qaraýyl aýylynda jergilikti turǵyn­darmen kezdesip, taza aýyz sýmen qam­tamasyz etý jumystaryn, jańadan salynyp jatqan mektep quryly­sy men turǵyn úılerge baryp, qurylys­shy­lar­men júzdesti. Al Aıagóz qalasynda dárigerlermen júzdesken N.Sa­bılıanov aýdanaralyq aýrýhanada ja­­ńadan ashylǵan, zaman talabyna saı medısınalyq quraldarmen jabdyq­­­tal- ǵan angıografııalyq bólimniń jumysy­men tanysty. Issapar barysynda depýtat Alǵabas, Qaınar, Abyraly aýyl­darynda halyqpen kezdesti. N.Sabı­lıanovtyń sózine qaraǵanda, Semeı ıadrolyq polıgonynan zardap shek­ken azamattarǵa áleýmettik, medısı­nalyq kómek kórsetýdi arttyrý, mal sharýashylyǵyn damytýǵa qoldaý kórsetý, taza aýyz sýmen qamtamasyz etý (Alǵa­bas, Abyraly), elektr jaryǵynyń qýattylyǵyn arttyrý, kómirdiń baǵasyn retteý, turǵyn úı salý, jol jóndeý, poshta qyz­metin jaqsartý máseleleri únemi nazarda bolýy tıis. Sondaı-aq depýtat Semeı – Qaınar avtojolyn jóndeý, jańa kópir salý jumystaryn kórdi.

* * *

Senator D.Mýsın Shyǵys Qazaqstan oblysynda óńir basshylyǵymen, veterınarlyq qyzmet mamandarymen jáne kásipkerlermen kezdesýde asyl tuqymdy mal sharýashylyǵyn damytý problemalary men perspektıvalaryna nazar aýdardy.

Depýtat aldaǵy sessııada Senat «Qazaq­stan Respýblıkasynyń keıbir zańna­malyq aktilerine asyl tuqymdy mal sharýa­shylyǵy máseleleri boıynsha ózgerister men tolyqtyrýlar engizý týraly» zań jobasyn qaraıtynyn aıtty. Son­daı-aq kezdesýde óńirdiń eksporttyq áleýeti, asyl tuqymdy mal ósirý men selek­sııa júrgizýge sýbsıdııalar berý máse­leleri jáne asyl tuqymdy mal sharýa­shy­lyǵy salasyndaǵy ǵylymı-zertteý jumystary talqylandy.

Depýtat Ulan aýdanyndaǵy 3500-den astam iri qara men 1500-ge jýyq maral ósiretin iri sharýa­shylyqtardyń biriniń jumysymen tanysty. Sharýa qojalyǵy okrýg turǵyn­daryn joǵary sapaly ónim­dermen – et jáne sútpen ǵana emes, eń bas­tysy – jumyspen qamtamasyz etip otyr. Se­nator «Qazaqtyń aqbas tuqymynyń Res­­pýb­­lıkalyq palatasy» tóraǵasymen mal­shy­­lardyń mártebesin kóterý jáne olardyń áleýmettik jaǵdaıyn, veterınarııa salasyndaǵy máselelerdi talqylady.

* * *

Májilis depýtaty K.Musyrman Soltústik Qazaqstan oblysynyń birqatar áleýmettik nysandaryna bardy.

Depýtat Mamlıýt aýdanynyń Bostan­dyq aýylynyń turǵyndarymen kezdesip, olardyń muń-muqtajdaryn tyńdady. Bar-joǵy 236 adam turatyn aýyl hal­qy týǵan jerleriniń bolashaǵyna alań­daýshylyqtaryn jetkizdi. Qazirgi tańda aýylda jóndeý jumystary júrgizilip jatqan mektep jabylyp qalýdyń aldynda tur. Sebebi bilim mekemesinde tek 60 bala ǵana oqıdy, bul belgilengen normadan az. Aýyl turǵyndary qashyqtan oqy­tylatyn jańa oqý jylynyń bas­talýy­na oraı, qashyqtan oqytý múmkin­diginiń tómen ekendigin aıtty.

Sapar barysynda depýtat Bostandyq aýylynda basqa aımaqtardan kelgen aza­mattardy qonystandyrý baǵdar­lama­synyń oryndalýyn qadaǵalady. Jer­gilikti atqarýshy organ ókilderi atap ótkendeı, munda kóship kelgender ju­mysqa ornalastyrylyp, balalary mek­tep jáne balabaqshamen qamtamasyz etilgen. Byltyr Jambyl oblysynyń Qor­daı aýdanynan jergilikti kásipkerdiń qol­daýymen salynǵan úılerge úsh otbasy kóship kelgen. K.Musyrmannyń aıtýyn­sha, tirek aýyldarǵa jatqyzýdyń qol­da­nystaǵy ólshemderi eldiń soltústik óńir­lerindegi demografııalyq jaǵdaıdy es­kere otyryp, qaıta qaraýdy talap etedi.

* * *

Senat depýtattary N.Beknazarov pen A.Qapbarova Shymkent qalasy Kókbulaq kenti turǵyndarynyń sapasyz baılanys pen ınternettiń joqtyǵyna qatysty shaǵymdaryn tyńdady.

Olar jergilikti bılik pen baılanys operatoryna júginip, máseleni tez arada sheshýdi surady. Belgili bolǵandaı, aýdanda qajetti qurylǵy ornatylǵan, tek sıgnal qajet bolyp tur. Ákimdik máse­leniń jýyq arada sheshiletinin aıtty. Sebebi jańa oqý jyly bastalǵaly tur jáne Kókbulaq mektebinde bilim ala­tyn 452 oqýshynyń qashyqtan oqýy úshin ınternet qoljetimdi bolýy tıis.

Buǵan deıin mektep eki 4G-modem qu­ryl­ǵysymen jumys istep kelgen, biraq olar­­dyń jyldamdyǵy tómen. Qazir de baılanys operatory ınternet sa­pa­syn arttyrý maqsatynda WI-MAX optı­kalyq jelisin qosý jumystaryn atqarýda.

* * *

Senat depýtaty A.Lýkın pandemııa jaǵdaıyndaǵy quqyq qorǵaý organdarynyń jumysyn Nur-Sultan qalalyq krımınaldyq polısııa, jol-patrýldik qyzmet polki, jergilikti polısııa qyzmeti jáne kóshi-qon polısııasy qyzmetkerlerimen talqylady.

Depýtat jol qozǵalysy qaýipsizdigin jaqsartý, karantındik shekteýler men quqyq buzýshylyqtardyń aldyn alý kezindegi kóńil kóterý oryndarynyń jumysy týraly aıtty. Sonymen qatar ol joldardaǵy jol-kólik oqıǵalaryn azaıtý, avtokólikter sanynyń únemi ósýi jaǵdaıynda jol oqıǵalarynan bolatyn áleýmettik jáne ekonomıkalyq zalaldy azaıtý, jol-kólik oqıǵalarynan zardap shekkenderge kómek kórsetý úshin mamandar daıarlaý, halyqty aqparat- tandyrý deńgeıin arttyrý jáne shekteý ka­rantındik sharalary kezinde oıyn-saýyq oryndarynyń jumysyn baqy­laýdy kúsheıtý boıynsha jumysty jaq­sartý qajet ekenin atap ótti.

Ákimdik qyzmetkerlerimen áńgi­me barysynda depýtat elorda turǵyn­daryna memlekettik qoldaýdyń qolda­nys­taǵy quraldary, memlekettik baǵdar­lamalardyń múmkindikteri jáne olarǵa qatysý erejeleri týraly múmkindiginshe kóbirek aıtý kerektigin jetkizdi.

* * *

Senator V.Volkov Qostanaı oblysynyń turǵyndarymen jáne basshylyǵymen kezdesti.

Senator óńirdegi jedel basqarý ortalyǵynda boldy. JBO bastyǵynyń aıtýynsha, jyl basynan beri «102» pýltine 100 myńnan astam dabyl qońyraýy túsken. Basty mindetterdiń biri qylmystarǵa der kezinde den qoıý jáne ashý bolyp qala beredi. Osy jyldyń basynan beri beınebaqylaý kameralarynyń kómegimen 66 qylmys ashylyp, 17 myńǵa jýyq ákimshilik quqyq buzýshylyq anyqtaldy.

Senator karantın jáne engizilgen shekteýler kezeńinde azamattardyń qu­qyq­taryn qorǵaý, quqyq qorǵaý júıe­sin jańǵyrtý, sondaı-aq ákimshilik jáne qylmystyq zańnamany reformalaý máselelerin qozǵady. Ol zań shy­ǵarý salasynda júrgizilip jatqan jumys­tarǵa nazar aýdardy. Oblystyq Polı­sııa departamenti Kóshi-qon qyzmeti basqarmasynyń bastyǵy tótenshe jaǵdaı rejimi kezinde sheteldikterdiń elde bolý tártibin zańnamalyq deńgeıde retteý týraly usynys jasady.

О́z kezeginde senator bul usynysty Senattyń profıldi komıtetiniń aldaǵy otyrystarynyń sheńberinde talqylaýǵa ýáde berdi.