Búgin Memleket basshysy Qasym-Jomart Toqaev Qazaqstan halqyna jyl saıynǵy Joldaýyn arnady. Joldaýda densaýlyq saqtaý júıesin damytýǵa jáne medısına qyzmetkerlerin qoldaý sharalaryna erekshe kóńil bólingen. Osylaısha, Prezıdent medısına qyzmetkerlerine ústemaqy tóleýge 150 mlrd tg bólýdi tapsyrdy. Osyǵan baılanysty Almatynyń medısına qyzmetkerleri Prezıdentke kórsetken qoldaýy úshin alǵystaryn bildirdi, - dep habarlaıdy Egemen.kz.
Almaty qalasynyń №4 qalalyq emhanasynyń klınıkalyq farmakology Áıgerim Toqtybaeva óńirlik kommýnıkasııalar qyzmeti alańyndaǵy onlaın suhbat barysynda aıtylǵan bastamalarǵa alǵys bildirdi.
"Bizdiń Prezıdentimiz Qasym-Jomart Kemelulynyń búgingi joldaýy týraly aıtqym keledi. Prezıdent elimizdiń medısına qyzmetkerlerine ekinshi jartyjyldyqta yntalandyrý ústemeaqylaryn berý úshin 150 mlrd teńge bólýdi tapsyrdy. Barlyq medısına qyzmetkerleriniń atynan Prezıdentke osyndaı úlken kómek úshin úlken alǵysymdy bildirgim keledi. Pandemııa kezinde jumys istegen árbir medısına qyzmetkeri óz ómirin qaterge tikti, al búgingi Joldaý bizge úlken qýanysh syılady", - dep atap ótti Áıgerim Toqtybaeva.