Májilistiń Ekonomıkalyq reforma jáne óńirlik damý komıtetiniń otyrysy ótip, onda Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstri qyzmetine Baǵdat Mýsındi taǵaıyndaý jónindegi kandıdatýra kelisildi. Bul týraly Parlament Májilisiniń baspasóz qyzmetine silteme jasaı otyryp Egemen.kz habarlaıdy.
Bul másele Komıtet otyrysynda "Qazaqstan Respýblıkasynyń Parlamenti jáne onyń depýtattarynyń mártebesi týraly" Konstıtýsııalyq zańnyń 22-1 babyna sáıkes qaraldy. Májilistegi aǵymdaǵy sessııadan bastap kandıdattardy kelisýdiń jańa formaty engizildi.Budan bylaı mınıstr laýazymyna kandıdattardyń barlyǵy osy salany damytý baǵdarlamasyn Májilistiń beıindi komıtetteriniń múshelerine usynady.Sonymen birge, depýtattar iske asyrylyp jatqan memlekettik baǵdarlamalar aıaqtalýy úshin kandıdattar jumysynyń sabaqtastyǵyn qamtamasyz etýge erekshe nazar aýdarýǵa nıetti. Osyǵan oraı, Májilistiń Ekonomıkalyq reforma jáne óńirlik damý komıtetiniń músheleri B.Mýsınge birqatar suraq qoıdy.
Atap aıtqanda, olar "Sıfrlyq Qazaqstan" memlekettik baǵdarlamasyn iske asyrý tásilderiniń sabaqtastyǵy týraly aıtty.Sonymen qatar, Májilis depýtattaryn mektep oqýshylaryna qashyqtyqtan bilim berýdi qamtamasyz etý máselelerin qalaı sheshý josparlanyp otyrǵandyǵy, onyń ishinde qashyqtyqtan beınebaılanys arqyly oqytýdyń otandyq baǵdarlamasy týraly surap, aýyldardy ınternetpen qamtamasyz etý máselesin de kóterdi. Sonymen birge, Májilis depýtattary Memleket Basshysynyń Qazaqstan halqyna Joldaýynda jáne birinshi kezekte IT salasynda jáne memlekettik qyzmetterdi sıfrlandyrýda alǵa qoıǵan mindetterdiń mańyzdylyǵyna toqtaldy. Otyrys sońynda tıisti Qorytyndy qabyldandy.
Ol Qazaqstan Respýblıkasy Parlamenti Májilisiniń Ekonomıkalyq reforma jáne óńirlik damýkomıteti "Qazaqstan Respýblıkasynyń Parlamenti jáne onyń depýtattarynyń mártebesi týraly" Qazaqstan Respýblıkasy Konstıtýsııalyq zańynyń 22-1-babyna sáıkes Premer-Mınıstri usynǵan Baǵdat Batyrbekuly Mýsınniń kandıdatýrasyn qarap, atalǵan kandıdatýrany Qazaqstan Respýblıkasy Sıfrlyq damý, ınnovasııalar jáne aeroǵarysh ónerkásibi mınıstrilaýazymyna taǵaıyndaý úshin usynýǵa bolady dep esepteıdi.