О́tken senbi kúni óńir basshysy B.Saparbaevtyń bastamasymen О́skemende tuńǵysh ret balyq jármeńkesi bolyp ótti. Onda Tarbaǵataı, Kúrshim, Kókpekti aýdandary men О́skemen qalasynyń balyqshylary ákelgen ondaǵan tonna kókserke, sazan, alabuǵy, karp, shortan sııaqty ózender men kólderdiń ónimi qala turǵyndaryna satyldy. Balyqtyń baǵasy saýda oryndary men bazardaǵy baǵaǵa qaraǵanda 20-30 paıyz arzan bolǵandyqtan birneshe saǵatta satylyp ketti.
О́tken senbi kúni óńir basshysy B.Saparbaevtyń bastamasymen О́skemende tuńǵysh ret balyq jármeńkesi bolyp ótti. Onda Tarbaǵataı, Kúrshim, Kókpekti aýdandary men О́skemen qalasynyń balyqshylary ákelgen ondaǵan tonna kókserke, sazan, alabuǵy, karp, shortan sııaqty ózender men kólderdiń ónimi qala turǵyndaryna satyldy. Balyqtyń baǵasy saýda oryndary men bazardaǵy baǵaǵa qaraǵanda 20-30 paıyz arzan bolǵandyqtan birneshe saǵatta satylyp ketti.Máselen, sazan 350-400, kókserke 300-350, shortan 250 teńgeden boldy. Sonymen birge, balyqtyń ıkrasyna degen suranys ta joǵary boldy.
Balyq jármeńkesine óńir basshysy B.Saparbaev, Reseıdiń Altaı ólkesiniń gýbernatory A.B.Karlın bastaǵan isker top ókilderi qatysyp, jaǵymdy jańalyqty ózderinde qoldanatynyn aıtty. Eki el arasynda saýda-sattyqtyń damyp kele jatqany belgili, Qazaqstannyń taǵy bir baılyǵy balyq ónimderin satyp alýdan utpasaq, utylmaımyz, dedi reseılik qonaqtar.
Respýblıka alańyndaǵy balyq jármeńkesinde Altaıdyń baly, kókónis, basqa da azyq-túlik saýdalandy. Jyl basynan beri óńirdiń barlyq aýdandary men qalalary óz ónimderin qalalyqtarǵa arzan baǵamen satyp, turǵyndardyń alǵysyna ıe bolýda. Aldaǵy ýaqytta da balyq jármeńkesi turaqty ótip turmaq, deıdi oblystyq aýyl sharýashylyq basqarmasynyń bastyǵy Dúısembaı Selıhanov. Bárekeldi, deımiz.
Ońdasyn ELÝBAI,
«Egemen Qazaqstan».
О́SKEMEN.
Sýrette: О́skemendegi balyq jármeńkesi.
Sýretti túsirgen avtor.