Aqmola oblysy ákiminiń birinshi orynbasary Ráshıt Ákimov saltanatty jaǵdaıda oblystyń 19 memlekettik mal dárigerlik mekemelerine jańa qyzmet kólikteriniń kiltterin tabys etti. Bul kúni Abylaı han alańynan 38 «SsangYong» jáne «ÝAZ» markaly jol talǵamaıtyn arnaıy avtomobılderi maldy aýyldarǵa attandy. Jańa kólikter mal dárigerlik jáne dezınfeksııalyq quraldarmen jabdyqtalǵan.
Aqmola oblysy ákiminiń birinshi orynbasary Ráshıt Ákimov saltanatty jaǵdaıda oblystyń 19 memlekettik mal dárigerlik mekemelerine jańa qyzmet kólikteriniń kiltterin tabys etti. Bul kúni Abylaı han alańynan 38 «SsangYong» jáne «ÝAZ» markaly jol talǵamaıtyn arnaıy avtomobılderi maldy aýyldarǵa attandy. Jańa kólikter mal dárigerlik jáne dezınfeksııalyq quraldarmen jabdyqtalǵan.
Qyzmet kólikteri «Agrobıznes-2020» baǵdarlamasy aıasynda veterınarııalyq qyzmettiń materıaldyq-tehnıkalyq bazasyn nyǵaıtý úshin satyp alyndy. Buǵan deıin de ár aýyldyq okrýgte qurylǵan mal dárigerlik pýnktterge 237 «Nıva» avtokóligi bólingendigin aıta ketken jón. Jalpy, bul maqsatqa 940 mıllıon teńge bólinip, tolyq ıgerilgen.
Saltanatty sharada sóz alǵan Sandyqtaý aýdanyndaǵy «Vetstansııa-1» memlekettik kommýnaldyq kásipornynyń dırektory Moldybaı Baıjigitov bul avtokólikterdiń veterınarııalyq qyzmetti damytýǵa ıgi yqpalyn tıgizetindigin aıta kelip, Úkimet tarapynan jasalyp jatqan qamqorlyqqa alǵysyn bildirdi.
Baqbergen AMALBEK,
«Egemen Qazaqstan».
Aqmola oblysy.