Búgin Halyqaralyq Túrki akademııasynyń prezıdenti Darhan Qydyráli Mońǵolııanyń Qazaqstan Respýblıkasyndaǵy Tótenshe jáne ókiletti elshisi Lývsangıın Battýlgamen kezdesti, dep habarlaıdy Egemen.kz Túrki akademııasynyń baspasóz qyzmetine silteme jasap.
Kezdesý barysynda taraptar ekijaqty yntymaqtastyq aıasynda atqarylyp jatqan jumystar jaıyn talqylady. Atap aıtqanda Túrki akademııasy Altyn Orda memleketiniń 750 jyldyǵyn, Tonykók eskertkishiniń 1300 jyldyǵyn keń kólemde atap ótip, birqatar ǵylymı eńbekterdi jaryqqa shyǵarǵan bolatyn. Sonymen qatar, kezdesýde Mońǵolııada júrgizilgen arheologııalyq qazba jumystarynyń nátıjeleri talqylanyp, birqatar keleshek jobalar boıynsha pikir almasty.
Elshi myrza Akademııa jumystaryna rızashylyǵyn bildirip, aldaǵy ýaqytqa josparlanǵan isterge sáttilik tiledi.
Kezdesý barysynda kelesi jyly atalyp ótiletin uly ǵun ámirshisi Móde qaǵannyń taqqa otyrýynyń 2230 jyldyǵyna arnalǵan sharalar týraly da sóz qozǵaldy.
О́z kezeginde Darhan Qydyráli Mońǵolııa elshisine Akademııa basyp shyǵarǵan baǵaly basylymdardy tartý etti. Olardyń qatarynda tuńǵysh ret mońǵol tiline tárjimalanǵan Rashıd ad-dınniń “Jamıǵ at-taýarıh” eńbegi jáne Abaıdyń shyǵarmalar jınaǵy bar.
Aıta ketý kerek, búginge deıin Halyqaralyq Túrki akademııasy altaıstıka jáne mońǵoltaný baǵytynda otyzdan astam ǵylymı eńbekti daıyndap, baspadan shyǵarǵan.