Qytaı ónertapqyyshtary álemdegi alǵashqy kózdiń kórýine qater tóndirmeıtin dıspleı oılap tapty, dep habarlaıdy Egemen.kz. Bul týraly Naked-science basylymy habarlaǵan.
Bul jańa tehnologııany TCL Berlındegi IFA 2020 kórmesinde alǵash ret usyndy. Ázirleýshiler paıdalanýshylardyń kórý qabiletine keri áser etpeıtin ekrandar shyǵarýdy maqsat tutqan. NXTPAPER qazirdiń ózinde kózdi qorǵaý tehnologııasyna 11 patent alyp úlgeripti. Sondaı-aq Reındegi nemis zerthanasynan, SGS shveısarııalyq zerthanasynan jáne VDE qaýymdastyǵynan tıisti sertıfıkattar aldy.
"Bizdiń jobamyz qazir óte mańyzdy, óıtkeni kóptegen qoldanýshylar úıden jumys isteýge jáne ekrannyń aldynda kóp ýaqyt ótkizýge májbúr. Biz jer sharynyń kez kelgen núktesinen ónimdi bolýǵa jáne densaýlyqty saqtaýǵa kómektesetin qurylǵylar jasaý kerek dep sheshtik", dedi TCL bas menedjeri Djefferson Lı.
Zertteýler eki jyl boıy júrgizilgen. Nátıjesinde kompanııa nxtpaper - elektrondy kitaptarda turǵan ekrandarǵa E-Ink balama usyndy.
Bolashaqta tehnologııa suıyq krıstaldy dıspleılerdi almastyra alady. О́ıtkeni, jańa dıspleıdiń túster palıtrasy keńirek, al jańartý jıiligi men pıksel tyǵyzdyǵy áldeqaıda joǵary. Osynyń arqasynda panel kez-kelgen jaryqta jyltyrlyǵy joq Full HD retinde beıneni kórsetedi jáne is júzinde kók jaryq shyǵarmaıdy, al uzaq jumys kezinde kózdi sharshatpaıdy.
Joǵary shaǵylyspaly ekran tústerdi jaqsy kórsetý úshin tabıǵı jaryqty paıdalanady jáne kórý júktemesin azaıtady. Ázirleýshiler bul jańa tehnologııany "kózge zııan tıgizbeıtin álemdegi alǵashqy dıspleı" dep málimdedi.