Qazaqstandyq ustazdar ózderin "Álemniń úzdik ustazy" laýazymyna jáne 1 mln AQSh dollary kólemindegi syılyqqa usyna alady, dep habarlaıdy Egemen.kz Qoǵamdyq mańyzy bar bastamalardy damytý qoryna silteme jasap.
"Qazaqstan muǵalimi" ulttyq syılyǵy – elimizdiń aǵartý salasyna zor úles qosqan ustazǵa 10 000 AQSh dollary kóleminde jyl saıyn taǵaıyndalatyn marapat. Syılyqty taǵaıyndaýshy – "Qoǵamdyq mańyzy bar bastamalardy damytý qory" JQ, ol "Álem ustazy" jahandyq syılyǵynyń resmı seriktesi.
Qordyń baspasóz qyzmeti habarlaǵandaı, aqshalaı syılyq qory 1 mln AQSh dollaryn quraıtyn "Áleniń úzdik ustazy" jahandyq syılyǵynyń irikteý týryna jeńimpazdardyń ótinimderi jiberilip, 9 úzdik fınalshy qatysady.
Syılyqqa pedagogtyń ózi, sol sııaqty onyń shákirtteri de ótinim bere alady. "Muǵalimniń ózi ótinim berýge qysylatyn, al ony shákirtteri syılyqqa laıyq dep sanaıtyn jaǵdaılar da kezdesedi. Mundaı jaǵdaıda oqýshylar ózderiniń súıikti ustazynyń álemge tanylýyna múmkindik beredi", delingen habarlamada.
Baıqaýǵa qatysý úshin pedagogtarǵa 1 qazanǵa deıin www.teacherprize.kz resmı saıtyndaǵy saýalnamany toltyrý qajet.
"Eger sen oqýshy bolsań jáne óz muǵalimińdi marapatqa usynǵyń kelse, ustazyńnyń úzdik qasıetteri týraly vıdeo- jáne fotomaterıal túsirip jibere alasyń. О́z vıdeorolıgińdi mektep muraǵatyndaǵy materıaldarmen montajdaýǵa bolady jáne pedagog jeńip shyqqan jaǵdaıda ol búkil álemde kórsetiledi", dep jazylǵan qordyń habarlamasynda.
Jeńimpaz ben 9 fınalshyny qarasha aıynda bilim jáne ekologııalyq mádenıet jónindegi forým sheńberindegi saltanatty jıynda jarııalaıdy.