Keshe Premer-Mınıstr Kárim Másimov Úkimet janyndaǵy Ekonomıkalyq saıasat jónindegi keńes otyrysyn ótkizdi, dep habarlady Premer-Mınıstrdiń baspasóz qyzmeti.
Keńes músheleri Memleket basshysynyń eldiń daǵdarystan keıingi damýynyń jańa mindetterin eskere otyryp bergen tapsyrmasyna oraı ázirlengen Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasynyń jobasyn talqylady.
Sol sııaqty “Qazaqstan Respýblıkasynyń keıbir zańnamalyq aktilerine zańdy tulǵalardyń qylmystyq jaýapkershiligin engizý máselesi boıynsha ózgerister men tolyqtyrýlar engizý týraly” zań jobasy da qaraldy.
Talqylaý qorytyndysynda K.Másimov qujattardy aıtylǵan eskertýler men usynystardy eskere otyryp, jetildire túsý jóninde tapsyrma berdi.