Qasym-Jomart Toqaevqa óńirdiń áleýmettik-ekonomıkalyq jaǵdaıy jáne Prezıdenttiń Qazaqstan halqyna Joldaýyn júzege asyrý barysy týraly baıandaldy, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy Joldaýda belgilengen áleýmettik sharalardy oryndaýdyń jáne pandemııa jaǵdaıynda shaǵyn jáne orta bıznesti qoldaýdyń mańyzdylyǵyn atap ótti.
Prezıdentke turǵyndardy, ásirese áleýmettik az qamtylǵandar sanatyndaǵy azamattardy «5-10-20» jáne «7-20-25» baǵdarlamalary aıasynda baspanamen qamtý jóninde aqparat berildi.
Sonymen qatar aýyl sharýashylyǵy salasyn damytý jáne ınvestısııa tartý máseleleri talqylandy. Oblys ákimi ishki týrızmdi odan ary damytý, pandemııa jaǵdaıynda oqý úderisin uıymdastyrý sharalary týraly aıtty.
Kezdesý sońynda Memleket basshysy oblystyń belgilengen áleýmettik-ekonomıkalyq kórsetkishterin qamtamasyz etýdi tapsyrdy.