Qazaq halqynyń uly aqyny Abaı Qunanbaıulynyń 175 jyldyǵyna jáne Konstıtýsııanyń 25 jyldyǵyna oraı Jambyl oblysy, Jambyl aýdandyq «Jastar resýrstyq ortalyǵy» men «Gekkon» sporttyq-týrıstik klýby «Dostyq shyńy» degen ataýmen alpınıada uıymdastyrdy.
Mundaǵy maqsat – kıeli Áýlıeata óńiriniń týrızm salasyn damytý, jastar arasynda salaýatty ómir saltyn qalyptastyrý jáne dostyq qarym-qatynasty nyǵaıtý. Atalǵan is-sharaǵa jambyldyq eriktiler qatysty. Olar T.Rysqulov aýdanynyń aýmaǵynda ornalasqan Batys Tıan-Shannyń Qyrǵyz taý qyratynda bolyp, bıiktigi 3817 metrge jetetin Sulýtór shyńyn baǵyndyrdy. Sóıtip Sulýtór mańyndaǵy shyńdarǵa elimizdegi ultaralyq dostyqty nyǵaıtý úshin «Dostyq shyńy» ataýyn berdi.
Jambyl aýdandyq «Jastar resýrstyq ortalyǵynyń» dırektory Mahanbet Rahymjanovtyń aıtýynsha, mundaı is-sharalar jastar arasyndaǵy dostyqty nyǵaıtyp, elimizdiń tarıhı qundylyqtaryn nasıhattaýda erekshe ról atqarady. Alpınıadanyń sońynda «Dostyq shyńyn» baǵyndyrǵan birqatar jastarǵa sertıfıkat tabystaldy.
Jambyl oblysy