Qasıetti Táńirtaý etegin meken etken aýdanymyzdyń tarıhy – myńdaǵan adamdardyń taǵdyry, ótkeni men bolashaǵy týraly "Narynqol óńiriniń tarıhy" atty jańa kitap jaryq kórdi, dep habarlaıdy Egemen.kz.
Osy bir qasıetti ólkeni atamekeni sanaǵan qaharman halyqtyń ǵumyrbaıany baıandalǵan bul týyndyny, óz ólkemizdiń azamaty Berkin Ákebaev jazyp shyqty.
Týǵan jerdiń qoınaýyn myń aqtarǵan kitaptyń tusaýkeser qýanyshy, keń kólemde atalyp ótti. Aýdan tarıhynan syr shertip, urpaq ıgiligine aınalar jańa kitap qutty bolsyn. Bolashaqqa qalar asyl muralarymyz kóp bolsyn. Kitaptyń tanystyrylymyna oraı pikirimen Raıymbek aýdanynyń ákimi Nurjan Qudaıbergenov jeke paraqshasynda da bólisti.
"Narynqol óńiriniń tarıhy" atty tarıhı kitaptyń avtory Berkin Ákebaev Raıymbek aýdany máslıhatynyń sheshimimen Raıymbek aýdanynyń "Qurmetti azamaty" tósbelgisimen marapattalsa, sharanyń eń aıshyqty sátinde qoǵam qaıratkerleri Yzǵarbek Bektursynov pen Bosatqan Uldarbekov aǵalarymyz taǵylymǵa toly kitaptyń lentasyn qıdy.
Aýdannyń baspasóz málimetterine súıensek, bul qýanyshqa aýdannan shyqqan qalamy qarymdy azamattar men óner maıtalmandary qatysyp, arnaıy tilekterin bildirdi. Tarıhı tereńge boılaǵan Raıymbek aýdany búginde aýyl sharýashylyǵy damyǵan ólke. Aýdannnyń osynaý tunǵan tarıhy jaıly kitaptyń jaryqqa shyǵýyna demeýshilik jasaǵan aýdan turǵyndary, "Ulaǵatty urpaq" qoǵamdyq qory men "Búrkit" otyn-energetıkalyq kompanııasy.