Bul týraly О́ńirlik kommýnıkasııalar qyzmeti alańynda ótken onlaın brıfıng barysynda Almaty qalasy Bilim Basqarmasy basshysynyń orynbasary Qaırat Jumanov aıtty, dep habarlaıdy Egemen.kz.
Esterińizge sala keteıik, mektep aýmaǵynda koronavırýs ınfeksııasynyń taralýyn boldyrmaý maqsatynda 2020 jyldyń 1 qyrkúıeginen bastap oqýshylardy qashyqtan oqytý formatyna kóshirildi. Sonymen qatar, qala ákimshiligi oqýshylar men muǵalimderdiń qajetti tehnıkalyq quraldarymen qamtamasyz etý boıynsha sharalar qabyldady.
"Almaty qalasynyń bilim Basqarmasy kompıýterlik tehnıkasy joq otbasyndaǵy balalardy kompıýterlik tehnıkamen qamtamasyz etý jumystaryn jalǵastyrýda. Bıylǵy jyldyń 10 qyrkúıegindegi jaǵdaı boıynsha barlyǵy 51 720 kompıýterlik tehnıka berildi", – dedi Qaırat Jumanov.
Máselen búgingi kúni:
– jan basyna qarjylandyrý boıynsha mektepter 9 120 noýtbýk satyp alyp, jetkizdi;
– jergilikti bıýdjet esebinen 22 212 planshet satyp alynyp, jetkizildi; 11 042 kompıýter satyp alyndy, onyń 2 myńy jetkizildi; qalǵan 9 myńy aǵymdaǵy jyldyń 15 qyrkúıegine deıin jetkiziledi;
– 38 591 dana kompıýterlik tehnıka Úkimettiń rezervtik qory esebinen satyp alynyp, 18 388 kompıýter men noýtbýk jetkizildi; qalǵan 5 203 planshet pen 15 000 noýtbýk 15 qyrkúıekke deıin jetkiziledi.
Sonymen qatar, Qaırat Jumanov demeýshilik kómek esebinen de úlken kómek kórsetiletinin atap ótti:
150 noýtbýkty QR Syrtqy ister mınıstrligi, "Qazaqstandyq dıplomattar birlestigi" jáne QR Bala quqyqtary jónindegi ýákili Arýjan Saın áleýmettik osal toptaǵy otbasylardyń balalaryna berdi.
"Salıqaly urpaq" qoǵamdyq qorynyń demeýshileri 500 noýtbýk usyndy.
"Mektepke jol" aksııasy aıasynda "Nur Otan" qalalyq fılıaly áleýmettik az qamtylǵan otbasylarǵa 1,5 myń planshet pen 1000 mektep quraldaryn berdi.