Shubarkól kómir kenishinde syrt kisini tańdandyrmaı qoımas ǵajaıyp kórinis birden baýraıdy. Estýin estisek te, biz buryn kórmegen alyp tehnıkalardyń neshe túri osynda toqaılasypty. Japonııanyń, Kanadanyń, Germanııanyń deısiz be, bir ózi bıik úıdeı ekskavatorlary, tóbedeı býldozerleri tómendegi kómir qabattaryn qarpyp artsa, taýdaı júk kólikteri tıelgen otyndy qyr betine aqyryn órlep jetkizip jatady.
Shubarkól kómir kenishinde syrt kisini tańdandyrmaı qoımas ǵajaıyp kórinis birden baýraıdy. Estýin estisek te, biz buryn kórmegen alyp tehnıkalardyń neshe túri osynda toqaılasypty. Japonııanyń, Kanadanyń, Germanııanyń deısiz be, bir ózi bıik úıdeı ekskavatorlary, tóbedeı býldozerleri tómendegi kómir qabattaryn qarpyp artsa, taýdaı júk kólikteri tıelgen otyndy qyr betine aqyryn órlep jetkizip jatady.
Shómishiniń syıymdylyǵy 21 tekshe metr bolatyn, ken qyrtysyn bir asaǵanda-aq 220 tonnalyq nemistiń aýyr kólikterin júkke toltyratyn áıgili Hitaci gıdravlıkalyq ekskavatorlary jumys isteýde. Olardyń alymdylyǵy arqasynda otyn óndirý kólemi bıyl 9 mıllıon tonnaǵa jetkeli otyr. Sondaı-aq, kómirdi LKÝ-1400 lentaly konveıeri arqyly joǵary kóterý jumystary da atqarylýda.
Osynaý kúrdeli tehnıkalar tilin meńgerip, ony basqarýdy urshyqsha úıirýshiler kileń jergilikti jigitter ekenin bilgende, súısingenimizdi jasyra almadyq. Japonııanyń ekskavatoryn kómekshi seriktesterimen birge baǵyndyrýshy Erbol Álkeev óz isin jetik meńgergen sheberlerdiń sapyna qosylyp alypty. Jańa tehnıkany ıgerýge beıimi men umtylysy bar azamattardy qaıtadan oqytyp, kenishtegi eń mártebeli mamandyqqa tóseldirýge qamqorshy ERNC kompanııasy onyń da talabyn ushtaýyna múmkindik jasaǵan. Sóıtip, arnaýly kýrsta tájirıbe jetildirip kelgen Erbol mine, endi maıtalman ekskavatorshylardyń mańdaıaldylary qataryna qosylǵan.
– Kadrlardy jergilikti eńbekkerler qatarynan tolyqtyrýǵa, kásibı biliktilikti kóterýge degen kompanııanyń ynta-yqylasy meni de shapaǵatyna bóledi. Aýyr júk kóliginiń júrgizýshisi Raıys Ybraev, jaýapty býyndar jumysshylary Qýantqan Baqtybek, Erkebulan Syzdyqov keshegi ózim sııaqty arnaýly mamandyǵy joq jastar edi. Qazir árqaısysy áriptesteriniń maqtanyshy. Bilim tereńdetýdi, biliktilik kúsheıtýdi qalaýshylarǵa jol ashyq. Shubarkól kentiniń turǵyndary, kenish eńbekkerleriniń balalary kompanııa esebinen joǵary oqý oryndarynda oqyp jatyr. 2002 jylǵa deıin kómir óndirý kólemin 10 mıllıon tonnadan 20 mıllıon tonnaǵa jetkizý kózdelgen edi. Bul maqsatty iske asyratyn laıyqty kadrlar qatary arta túsýde, – deıdi Erbol.
Kenishte qalyptasqan úrdiske oraı jaqynda «Úzdik maman» baıqaýy ótti. Esimderi atalǵan jigitter – sonda jeńimpaz atanǵandar. Alystan shaqyrmaı-aq, turǵylyqty azamattardy keleshegi keń jumysqa tartyp, mamandyq meńgertip, ómir qýanyshyna bóleý alystaǵy Shubarkólde berik dástúr retinde qalyptasýda.
Aıqyn NESIPBAI,
«Egemen Qazaqstan».
Qaraǵandy oblysy,
Shubarkól kenishi.