Jýyrda ótken «Nur Otan» partııasynyń kezekten tys XV sezi úlken mindet júktep otyr. Sezde qabyldanǵan sheshimder, Elbasy tapsyrmalary qalaı júzege asyrylady, partııanyń oblystyq fılıaly alda qandaı jumystar atqarmaqshy degen saýaldar «Nur Otan» partııasy oblystyq fılıalynyń tóraǵasy, oblys ákimi Erlan Arynnyń tóraǵalyǵymen ótken saıası keńeste ortaǵa salyndy.
Jýyrda ótken «Nur Otan» partııasynyń kezekten tys XV sezi úlken mindet júktep otyr. Sezde qabyldanǵan sheshimder, Elbasy tapsyrmalary qalaı júzege asyrylady, partııanyń oblystyq fılıaly alda qandaı jumystar atqarmaqshy degen saýaldar «Nur Otan» partııasy oblystyq fılıalynyń tóraǵasy, oblys ákimi Erlan Arynnyń tóraǵalyǵymen ótken saıası keńeste ortaǵa salyndy.
– Partııanyń HV sezinde jańa baǵyt aıqyndaldy. Jańa saıası qujat qabyldandy. Bul Doktrına «Qazaqstan-2050» Strategııasyndaǵy josparlardy júzege asyrýda temirqazyq bolýy tıis, – dedi oblys basshysy Erlan Aryn. Iаǵnı, ol aldaǵy jumystar óńirde Doktrınada belgilengen jeti baǵyt boıynsha júrgiziletinin málimdedi.
Jalpy, jergilikti nurotandyqtardyń quramy bilimdi, bilikti, salmaǵy myǵym adamdardan jasaqtalǵan. Al olardyń 40 paıyzyn ekonomıka salasynyń mamandary quraıdy.
Jıynda Astanada ótken sezge qatysqan delegattar alǵan áserlerimen bólisti. Mysaly, «Bogatyr Kómir» JShS dırektory, oblystyq máslıhattyń depýtaty Erkin Rahmanqulovtyń aıtýynsha, partııanyń qujatynda kórsetilgen isterdiń júzege asatynyna senimdi. Ekonomıkalyq jáne áleýmettik qoldaýǵa bizdiń kásiporyn kóp kóńil bólip keledi. Kómir óndirýshi kásiporyn retinde el ekonomıkasyna úles qosýda. Kásiporynnyń jastaryna turǵyn úı alýǵa paıyzsyz nesıe berýdi qolǵa almaqpyz. Bul maqsatqa 225 mıllıon teńge bólindi. Bul qarjy 60 azamattyń baspanaly bolýyna múmkindik beredi, deıdi E.Rahmanqulov.
Farıda BYQAI,
«Egemen Qazaqstan».
Pavlodar oblysy.