Bul týraly densaýlyq mınıstri Alekseı Soı málimdedi, dep habarlaıdy Egemen.kz
Densaýlyq saqtaý mınıstriniń aıtýynsha, shamamen 5 myń ókpeni jasandy jeldetý apparatyn satyp alýdy josparlap otyr. Qazirgi ýaqytta jetkizilip te jatyr. Qazaqstan aýrýhanalarynda búginde 3 myńnan astam apparat ornatylǵan eken. 1,5 myń apparatty otandyq óndirýshiler shyǵarǵan. Sonymen birge aldaǵy birneshe aptada barlyq apparat jetkiziletinin málimdedi.
Búginde elimizdiń aýrýhanalarynda koronavırýspen jáne ókpe qabynýymen 4 800-den asa naýqas em-dom qabyldap jatyr.
"Qazir ahýal turaqty. Kórshiles elderde, ásirese, Eýropa pen TMD elderinde aýrý ósimi baıqalady. Sondyqtan biz úshin osy ahýaldy ustap qalý óte mańyzdy. Kórsetkishter jaqsy bolǵanyna qaramastan, tósek-oryn qoryn ulǵaıtyp, dári-dármek satyp alyp jatyrmyz. Jeke qorǵanys quraldarymen, medısınalyq betperdemen qamtamasyz etemiz. Biz indettiń kelesi tolqynyna daıyndalýdamyz. Árıne, biz úshin onyń bolmaǵany óte mańyzdy. Eń mańyzdy fakti – áleýmettik araqashyqtyq pen betperde. Aýrýdyń 30 paıyzy betperde taǵýǵa jáne 40 paıyzy áleýmettik araqashyqtyqty saqtaýǵa baılanysty ekendigin birneshe márte aıttyq. Osyny ustanýǵa shaqyramyz. Indet tolqynynyń bolýyna ne bolmaýyna biz ózimiz yqpal etemiz. Bizdiń árqaısymyz osynaý ahýalǵa yqpal ete alamyz. Qazir densaýlyq saqtaý júıesine kelesi tolqynǵa daıyndyq pen aldyn alý-túsindirý jumystary ǵana baılanysty. Al qalǵany bizdiń árqaısymyzǵa, jıi qarym-qatynasta bolýymyzǵa, betperde taǵýymyzǵa baılanysty ekendigi anyq", dedi Alekseı Soı.