Jylyoı aýdanynda turatyn 47 jastaǵy sharýager 6 qyrkúıekte joǵalǵan jylqylaryn izdeýge shyǵyp, sodan otbasyna oralmaǵan bolatyn. Bul oqys oqıǵa jurtshylyqtyń alańdaýshylyǵyn týdyryp, aýdan ákimdiginiń aldyna jınalýyna túrtki boldy, dep habarlaıdy Egemen.kz.
Osy derekke oraı oblystyq polısııa departamenti arnaıy jedel-tergeý tobyn qurdy.
Joǵalǵan sharýagerdi izdeý úshin polısııa jáne tótenshe jaǵdaılar departamentteriniń qyzmetkerleri, sondaı-aq, eriktiler birneshe kún boıy dalalyq aýmaqty aralady. Alaıda, sharýagerdiń motosıkli men qamshysy ıesiz qystaqtan tabylǵanmen, onyń óli-tirisi búginge deıin anyqtalmap edi.
"Búgin, 14 qyrkúıekte polısııa qyzmetkerleri izdestirý is-sharalarynyń nátıjesinde joǵalǵan azamattyń óli denesin Jylyoı aýdanynyń ortalyǵy – Qulsary qalasynan 100 shaqyrym jerdegi Qyryqmyltyq ken alańy mańynda 15-20 metr tereńdiktegi shuńqyrdan tapty. Osy derekke qatysty saraptama taǵaıyndaldy. Atalǵan qylmysqa kúdikti Jylyoı aýdanynyń 38 jastaǵy turǵyny ustaldy. Kúdikti buryn sottalǵan. Qazir QR Qylmystyq Kodeksniń 99-babymen (Adam óltirý) sotqa deıingi tergeý júrgizilýde. Tergeý kezinde qylmystyń oryn alý sebebi anyqtalatyn bolady", dep habarlady oblystyq polısııa departamentiniń baspasóz qyzmeti.