Almaty qalasynyń óńirlik kommýnıkasııalar qyzmetine bergen suhbatynda qalalyq stýdenttik emhananyń bas dárigeri Aıgúl Asenqyzy tumaýǵa qarsy tegin vaksına alý algorıtmi týraly aıtty, dep habarlaıdy Egemen.kz.
Almatyda JRVI-men jappaı aýyrýdyń aldyn alý jáne tumaý vırýsynyń koronavırýs ınfeksııasymen qabattasyp ketpeýi úshin 15 qyrkúıekten bastap qala turǵyndaryn tumaýdan vaksınalaý bastaldy.
Aıgúl Asenqyzynyń aıtýynsha, vaksına alǵysy keletinderge emhanaǵa kelý kerek.
"Eger adam vaksına alǵysy kelse, onda ol tirkelgen emhananyń tirkeý bólimine aldyn ala qońyraý shalý qajet", - dep túsindirdi Aıgúl Asenqyzy.
Aıta ketý kerek, memlekettik bıýdjet qarajaty esebinen vaksına kelesi sanattaǵy azamattarǵa qol jetimdi:•epıdemııalyq belgileri bar adamdarǵa;•júrek-qantamyr júıesiniń sozylmaly aýrýlary bar adamdar;•júktiliktiń ekinshi nemese úshinshi trımestrindegi júkti áıelder;•medısınalyq-áleýmettik mekemelerdiń qyzmetterin alýshylarǵa;•jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdarynyń, balalar úıleriniń balalary;•medısınalyq uıymdarda medısınalyq baqylaýǵa jatatyn balalar;•memlekettik mekemelerdiń medısına qyzmetkerleri;•jastary 6 aıdan joǵary jıi aýyratyn balalar.Tegin vaksına turǵylyqty jeri boıynsha nemese tirkelgen jeri boıynsha emhanalarda júrgiziledi.Qyzmet kórsetý salasynyń qyzmetkerleri (kólik, sýpermarketter, bankter, qonaq úıler, iri kásiporyndar jáne t.b.) jatatyn halyqtyń ózge sanattaryna vaksına jumys berýshiniń nemese óz qarajatynan júrgiziledi.Aıgúl Asenqyzynyń aıtýynsha, ekpe alý aldynda mindetti túrde terapevtten tekserýden ótý qajet."Vaksına alýdan buryn pasıent jalpy tájirıbelik dárigerge nemese terapevtke barýy óte mańyzdy. Dáriger naýqastyń jalpy jaǵdaıyn baǵalaıdy. Eger kataraldy qubylystar nemese temperatýra baıqalmasa, ol vaksınany «О́z erkimen aqparattandyrylǵan kelisimge qol qoıý arqyly ala alady nemese aldyn alý ekpesin alýdan bas tarta alady ", - dep túsindirdi ol.
Tumaýǵa qarsy ekpe alǵysy keletin qalǵan sanattaǵy qala turǵyndary tumaýǵa qarsy ekpe júrgizýge lısenzııasy bar medısınalyq ortalyqtarǵa júgine alady:
Muqanov k-si, 235 mekenjaıy boıynsha ornalasqan "IMC" medısınalyq ortalyǵy (baılanys nómiri 8 (727)378 64 64)
“Farmakom "JShS" vaksınasııa klınıkasy " Buzyrbaev kóshesi, 23 (baılanys nómiri 8 (727) 3824603, 8 (727) 291 79 65)"SOS-QAZAQSTAN" JShS Lýganskıı k-si, 11 (baılanys nómiri 8 (727) 2581911)
Sondaı-aq tumaýǵa qarsy vaksına dozasynyń ortasha baǵasy 2,5-nan 4 myń teńgege deıin ózgeretini atap ótildi. Tumaýǵa qarsy "Grıppol Plıýs" nemese "Inflıývak" vaksınalary salynatyn bolady.