Oblystyq densaýlyq saqtaý basqarmasy baspasóz qyzmetiniń málimetine súıensek, Atyraýda tumaýǵa qarsy 60 myń vaksına bar. Vaksına Reseıden ákelingen, dep habarlaıdy Egemen.kz.
№1 Atyraý qalalyq emhana bas dárigeriniń orynbasary Aınagúl Shaýmovanyń aqparatyna qaraǵanda, tegin vaksınany alýǵa jasy alty aıdan asqan balalarǵa, júkti áıelderge, medısınalyq qyzmetkerlerge men sozylmaly syrqatymen dıspanserlik esepte turǵan naýqastarǵa, jasy 60-tan asqan egde adamdarǵa salý josparlanyp otyr.
"Búgin osy sanatqa jatatyndarǵa tumaýǵa qarsy vaksınany salý bastaldy. Al, mekemeler tarapynan ekpeni aqyly túrde alý úshin ótinishti jergilikti emhanalar arqyly berýge bolady. Tumaýǵa qarsy salynatyn vaksına Reseıden shyǵarylǵan. "Grıppol+" dep atalatyn vaksınany ótken jyldan beri qoldanyp kelemiz. Vaksına quramy qarapaıym, tumaýdyń A(H3N2), A(H1N1) jáne V qarsy antıgeni ǵana bar. Sondyqtan, ekpeni qoryqpaı alýǵa bolady", - deıdi Aınagúl Shaýmova.