Qazaqstannyń birinshi, álemniń 18-raketkasy Elena Rybakına Rım WTA týrnırin jeńispen bastady.
Qazaqstandyq tennısshi bastapqy kezdesýin Reseıdiń birinshi raketkasy Ekaterına Aleksandrovamen ótkizip, birinshi sette 6:0 esebimen tas-talqan etse, ekinshi sette 6:4 esebimen basym tústi.
Qazaqstandyq kelesi aınalymda Marııa Boýzkova men Aıla Tomlıanovıch arasyndaǵy ekeýara oıyn jeńimpazymen kortqa shyǵady.
Al Iýlııa Pýtınseva alǵashqy aınalymda shvesııalyq Rebekka Petersonmen sheberlik baıqasady.
Erler arasynda Aleksandr Býblık alǵashqy aınalymda US Open týrnıriniń 2014 jylǵy chempıony, horvat Marın Chılıchpen kortqa shyǵady. Mıhaıl Kýkýshkınniń joly bolmady. Fınaldyq kezeńge ótý úshin onyń jolyn germanııalyq Domınık Kıopfer bógedi. Esep – 6:2, 4:6, 2:6 Kıopferdiń paıdasyna sheshildi.