2020 jylǵy 15 qyrkúıekte Qazaqstan Respýblıkasy Parlamenti Senatynyń Áleýmettik-mádenı damý jáne ǵylym komıtetiniń depýtattary pandemııa jaǵdaıynda ókpeni jasandy jeldetýdiń stasıonarlyq apparattaryn óndirýin uıymdastyrǵan "Qazaqstan Aselsan ınjınırıng" JShS qorǵanys ónerkásibi kásipornynda boldy, dep habarlady Egemen.kz IIDM baspasóz qyzmetine silteme jasap.
Kásiporyn elektrondyq ónimderdi jobalaıtyn, ázirleıtin, óndiretin, biriktiretin jáne qoldaýdy qamtamasyz etetin joǵary tehnologııalyq, kóp salaly bolyp tabylady. Kásiporynda túngi kórý qurylǵylary, kúndizgi kózdeýishter shyǵarylady.
Koronavırýstyq ınfeksııamen kúresý maqsatynda kásiporyn bazasynda О́JJ óndirisi uıymdastyryldy.
О́JJ apparattary emdeý mekemelerindegi reanımasııa jáne qarqyndy terapııa bólimshelerindegi eresekter men balalardyń ókpelerin uzaq ýaqyt jeldetýge arnalǵan. О́JJ QR Densaýlyq saqtaý mınıstrliginiń talaptaryna sáıkes keledi, Nur-Sultan qalasyndaǵy kópsalaly ınfeksııalyq ortalyqta sátti synaqtan ótti.
Qazaqstan Respýblıkasy Parlamenti Senatynyń depýtattary kásiporynnyń óndiristik qýattarynyń joǵary dárejesin jáne ınjenerlik-tehnıkalyq personaldyń daıarlyǵyn atap ótti. Sonymen qatar, halyq qalaýlylary osy О́JJ apparattaryn paıdalanýda medısına qyzmetkerlerin oqytý qajettiligin atap ótti.