2011 jyly Oslo men Ýteıa aralynda 77 adamnyń ómirin qıǵan terrorıstik shabýyl úshin sottalǵan norvegııalyq ońshyl Anders Breıvık shartty túrde merziminen buryn bosatýdy surady, dep habarlaıdy Egemen.kz
"Anders Berıng Breıvık shartty túrde merziminen buryn bosatýdy suraıdy. Men onyń (Breıvık) atynan shartty túrde merziminen buryn bosatý týraly ótinish berdim",deıdi qylmyskerdiń advokaty Oısten Stýrrvık.
Advokat túsindirgendeı, Breıvık sottalǵan 21 jyldan segiz jyldan astam ýaqytyn túrmede ótkizgen. Ol qazir teorııalyq turǵydan osyndaı ótinish berýge quqyly. Advokat sonymen birge ótinishke eki atpen qol qoıylǵanyn aıtty - Anders Berıng Breıvık jáne onyń túrmedegi esimi - Frıtof Hansen-Breıvık. Advokat atap ótkendeı, Breıvık áli jalǵyz adamdyq kamerada turady. Zańger bul jaǵdaıdy tutqynnyń quqyǵyn buzý dep sanaıtynyn da jasyrmady.
Aıta keteıik, 2011 jyldyń 22 shildesinde Breıvık Osloda segiz adamdy jáne Ýteıa aralyndaǵy norvegııalyq jumysshylar partııasynyń jazǵy jastar lagerinde 69 adamdy óltirdi. Sot ony 21 jylǵa bas bostandyǵynan aıyrǵan. Ustalǵannan keıin Breıvık shabýyl jasaǵanyn birden moıyndady, biraq ol áli de ózin kináli dep sanamaıdy. Ol norvegııalyq mádenıettiń quldyraýyn toqtatý úshin ózin-ózi qorǵaý aıasynda terrorıstik shabýyldar jasaǵanyn birneshe ret aıtqan bolatyn.