Koronavırýspen aýyryp, jazylǵan adamdar maska taǵýdy jalǵastyryp, saqtyq sharalaryn saqtaýy tıis. Bul týraly Qazaqstan profılaktıkalyq medısına akademııasynyń prezıdenti Almaz Sharman onlaın brıfıng barysynda aıtty, dep habarlaıdy Egemen.kz.
"Koronavırýspen aýyryp alǵan adamdar da maska taǵyp, áleýmettik qashyqtyqty ustaný qajet. Iıa, ımmýndyq qorǵanys bar, ıá, antıdeneler paıda bolady, antıdeneler ǵana emes, sonymen qatar jasýsha ımmýnıteti damıdy. Ol qansha ýaqytqa jetetini belgisi. Ony qazir ǵalymdar zerttep jatyr", deıdi Almaz Sharman.
Onyń aıtýynsha, koronavırýspen aýyryp, jazylǵan adamdar maska taǵýy tıis.
"Siz aýyrmasańyz da, vırýs sizdiń aýyz qýysyńyzda bolyp, ózgelerge tarap ketýi múmkin. Maska ózińizdi emes, mańaıyńyzdaǵylardy qorǵaý úshin kerek. Maska aınalańyzdy qaýipti indetten qorǵaıdy. Sondyqtan barshańyzdy maska taǵyp júrýge shaqyramyn. Búkil álem dárigerleri óte mańyzdy, keń aýqymdy problemalarǵa tap boldy. Sondyqtan, kúzgi-qysqy maýsymda jáne bolýy múmkin koronavırýstyń ekinshi tolqynyn adamdar munyń bárin baıypty qabyldaýy kerek. Jańa indetter Eýropa men Azııanyń ártúrli elderinde paıda bolady. Bul kúzgi kezeńge, kúnniń salqyndaýyna baılanysty. Qazir kóp nárse bizdiń ózimizdi qalaı ustaıtynymyzǵa baılanysty. Biz araqashyqtyqty saqtap, maska taǵyp, jalpy gıgıena erejelerin saqtaýdy jalǵastyramyz. Sondyqtan eger Qazaqstanda epıdemııanyń ekinshi tolqyny bolatyn bolsa, onyń qanshalyqty qaýipti bolatyny tikeleı ózimizge baılanysty bolmaq", dedi Almaz Sharman.