Eýropa men Azııa elderinde indet qaıtadan órshı bastady. Bul týraly búgin Almaty qalasynyń óńirlik kommýnıkasııalar qyzmeti alańynda ótken onlaın-suhbat barysynda professor Almaz Sharman málimdedi, dep habarlaıdy Egemen.kz
Almaty qalasynyń óńirlik kommýnıkasııalar qyzmeti alańynda ótken onlaın-suhbat barysynda Qazaqstannyń profılaktıkalyq medısına Akademııasynyń prezıdenti Almaz Sharman álemdegi koronavırýs pandemııasynyń ekinshi tolqyny týraly aıtyp, almatylyqtardy sanıtarlyq-epıdemııalyq talaptardy saqtaýǵa shaqyrdy. Professor aıtqandaı, pandemııa ár ýaqytta ár elde ár túrli kórinis tapty.
"Indetti sátti jeńip shyqqan Jańa Zelandııa, Mońǵolııa, Ońtústik Koreıa, Sıngapýr sııaqty elder bar. Biraq Italııa, Ispanııa, Amerıka Qurama Shtattary sııaqty keı elderde ólim men aýrýdyń joǵary deńgeıde boldy", dedi Almaz Sharman.
Onyń aıtýynsha, bul ońtústik jarty shardaǵy Argentına, Chılı, Ońtústik Afrıka, Avstralııa sııaqty elderdegi jaǵdaı. Olar qys mezgilinen aman ótip, kóktem mezgili bastalyp jatyr.
Sonymen birge professor adamzat qazir "Covid-19-den keıingi jaǵdaı" jańa fenomenimen betpe-bet kelip jatqanyn qosa ketti. Koronavırýspen aýyrǵan naýqastarda biraz ýaqyttan keıin basqa asqynýlar paıda bolady. Bul álsizdik, sozylmaly sharshaý sındromy, nevrologııalyq, júrek jáne basqa belgiler bolatynyn aıtyp ótti.
"Búkil álem dárigerleri óte mańyzdy, keń aýqymdy problemalarǵa tap boldy. Sondyqtan kúzgi-qysqy maýsymda jáne bolýy múmkin koronavırýstyń ekinshi tolqynyn adamdar munyń bárin baıypty qabyldaýy kerek. Jańa indetter Eýropa men Azııanyń ártúrli elderinde paıda bolady. Bul kúzgi kezeńge, kúnniń salqyndaýyna baılanysty. Qazir kóp nárse bizdiń ózimizdi qalaı ustaıtynymyzǵa baılanysty. Biz araqashyqtyqty saqtap, betperde taǵyp, jalpy gıgıena erejelerin saqtaýdy jalǵastyramyz. Sondyqtan eger Qazaqstanda epıdemııanyń ekinshi tolqyny bolatyn bolsa, onyń qanshalyqty qaýipti bolatyny tikeleı ózimizge baılanysty bolmaq", dedi Almaz Sharman.
Eske sala keteıik, 2020 jyldyń 1 tamyzynan bastap jalpy aýyrǵandardyń sany – 30 337-ge jetse, onyń 335-i ólim jaǵdaıymen aıaqtaldy. Al indetten aıyǵyp shyqqandardan 26 478-di quraıdy.