Almatyda eki kólik soqtyǵysyp, jaıaý júrginshi kóliktiń astynda qaldy. Ol aýyr halde aýrýhanaǵa jetkizildi, dep habarlaıdy Egemen.kz
Apat Abaı dańǵyly men Altynsarın kóshesiniń qıylysynda oryn alǵan. Oqıǵa vıdeosy Instagram jelisinde paıda boldy.
Vıdeoda anyq baıqalǵandaı eki kólik birine biri jol bermeı, nátıjesinde soqtyǵysyp qalǵan. Al apat nátıjesinde 47 jastaǵy jaıaý júrginshi zardap shegipti. Dárigerlerdiń aıtýynsha, 40 jastaǵy jábirlenýshi №7 Qalalyq aýrýhanaǵa tańǵy 8:37-de jedel járdem kóligimen jetkizilgen.
"Naýqasqa jabyq bas súıek-mı jaraqaty jáne bas mıynyń shaıqalýy dıagnozy qoıylǵan. Denesiniń kóptegen jerlerinde jaraqat bar, abrazııalar, bettiń teri astyndaǵy gematomalaryn da baıqaýǵa bolady. Muryn súıekteri de synǵan. Omyrtqanyń LD2 kóldeneń prosesi synyp, ekinshi dárejeli travmatıkalyq shok alǵan", dedi Almatydaǵy №7 qalalyq aýrýhananyń reanımasııa jáne qarqyndy terapııa bólimshesiniń meńgerýshisi Esenaı Espenbetov.