Máselen, josparǵa sáıkes jyl sońyna deıin baǵdarlamanyń ekinshi baǵyty – kásipkerlik bastamany yntalandyrý boıynsha 482 azamatqa qoldaý kórsetilý kerek bolsa, búginge deıin 314 adam jumysty bolǵan. Onyń 139-y "Bastaý Bıznes" jobasy boıynsha kásipkerlik kýrsty oqysa, 45-i shaǵyn nesıe alǵan, al 130-y memlekettik grant ıegeri atanǵan.
Sondaı-aq, bıyl baǵdarlamanyń úshinshi baǵytty – halyqty jumyspen qamtýǵa járdemdesý jáne eńbek resýrstarynyń utqyrlyǵyn arttyrý boıynsha 6103 adam qamtylady dep josparlanǵan. Al, búginge deıin 3665 azamatqa kómek kórsetildi. Atap aıtqanda, onyń 1623-i turaqty jumysqa ornalassa, 143-i áleýmettik jumys oryndaryna joldanǵan, 500-i jastar praktıkasyna, 1399 azamat aqyly qoǵamdyq jumystarǵa tartylǵan.
"Jumyspen qamtý jol kartasy" aıasynda Kentaý qalasy boıynsha 62 joba júzege asyrylyp, nátıjesinde 223 jańa jumys oryn ashylǵan. Halyqty jumyspen qamtý ortalyǵy arqyly ázirge 130 adam turaqty jáne ýaqytsha jumyspen qamtylyp otyr.