Duty Free saýda belgisiniń negizin qalaýshy Chak Fını mıllıardtaǵan baılyǵyn qaıyrymdylyqqa jumsady, dep habarlaıdy Egemen.kz.
Sońǵy 40 jyl ishinde Fını Atlantic Philanthropies qory arqyly álemniń ár túrli qaıyrymdylyq uıymdaryna, qorlaryna jáne ýnıversıtetterine segiz mıllıard dollardan astam qarajat bólgen. Degenmen, ol osy jaqsylyǵynyń barlyǵyn jarııa etpeı, atyn jasyryp jasap kelgen. Fınıdiń aıtýynsha, ol ózi men áıeli úshin zeınetke shyǵý úshin 2 mıllıon ǵana qaldyrypty.
"Biz ómir boıy kóp nárseni úırendik. Artqa kóz tastap, biraz dúnıeni basqasha jasaýǵa bolar edi-aý dep te oılaımyn. Biraq, erte me kesh pe, qolymnan kelgenshe maqsatyma jetkenime qýanyshtymyn", dedi ol. Bir qyzyǵy, sáni men saltanaty jarasqan dúnıe-múlkiniń moldyǵyna qaramastan, Fını asketıkalyq ómir saltyn unatady. Ol San-Fransıskodaǵy qarapaıym páterde ómir súredi. Tipti onyń turatyn jeri stýdenttik jataqhanadaǵy bólmege uqsaıdy eken.