Kórkem óner kerýeni

Kórmeniń ashylý saltanatynda Ulttyq mýzeıdiń zamanaýı óner bóliminiń jetekshisi Má­dına Dosanomanova, Qazaq­stannyń Eńbek sińirgen mádenıet qaıratkeri, Sýretshiler jáne dı­zaınerler odaǵynyń múshesi Tileýjan Batanov, sándik-qol­dan­baly óner sheberi Darııa Kalı­mova-Qasteeva quttyqtaý sóz sóı­­lep, sharanyń mańyzdylyǵyn ashyp kórsetti.

Kórmege HH ǵasyrdyń ekinshi jartysyndaǵy sheberlerdiń tý­yn­dylary, sondaı-aq zamanaýı sýretshilerdiń kıizden, aǵash­tan jasalǵan eńbekteri, ıns­tal­lıasııalar, gobelender, zer­ger­lik buıymdar qoıyldy. Kór­mege ke­lýshiler Muhamedjan Zeı­nel­han, Bátıma Záýirbekova, Sáý­­le jáne Álibaı Bapanovtar, Ser­­jan Bashırov, Edýard Kaza­rıan, Latıf Qazbekov, Tileýjan Batanov syndy álemdik kórkem­sýret keńistiginde ózindik qol­tań­basy bar qylqalam she­berleriniń týyndylarymen tanysty.

– Kók túrikten taraǵan urpaq bolǵandyqtan, bizdiń negizgi ba­ǵytymyz – ata-babadan qalǵan mu­rany, ulttyq qundylyqtardy búgingi zaman talabymen úıles­tire otyryp, dáripteý ekeni daýsyz. Sonyń arqasynda isimiz alǵa basyp keledi. Myna zattardyń árqaısysynyń jeke-jeke tarıhy bar. Bul jerdegi sándi bu­ıymdar adamnyń janyna shýaq syılap qana qoımaı, ótken dá­ýirdiń estelikterimen qaıta qaýyshýǵa múmkindik syılaıdy. Negizinen qazaq halqynyń ulttyq ereksheligin kórsetetin zattar. Meni qyzyqtyrǵany da sol, – dedi M.Zeınelhan.

Halqymyzdyń ǵasyrlar qoı­naýynan bastaý alatyn ult­tyq kásibi men qolónerine negizdelgen sándik-qoldanbaly óneri ulttyń ádet-ǵurpymen, ómir saltymen, estetıkalyq kózqarastarymen tyǵyz baılanysty. Zamanaýı sýret­shilerdiń tendensııalary ártúrli materıaldar men teh­nıkalardy biriktire, abstrak­sıo­nısterdiń sýret salý tájir­bıeleri kıizdiń betin kóshire otyryp, kollaj ádisin paıdalanyp jasaǵan kıiz týyndylardan kórinedi. «Muragerlik» jáne «sa­baqtastyq» tendesııalary jáne zamanaýı beıneleý óneriniń kompozısııalyq tájirbıesin ıge­­rý shı betine salynǵan oıý-órnek­terden baıqalady.

Kórmege 70-ke jýyq óner týyndylary qoıyldy. Ekspozısııada usy­nylǵan buıymdar qazaq hal­qynyń mádenı-turmystyq erek­shelikterin kórsetedi jáne qazaq ulttyq mádenıetiniń bire­geı bó­ligi bolyp tabylady.