Bul týraly oblystyq densaýlyq saqtaý basqarmasynyń basshysy Nurlybek Qabdyqaparov málimdedi, dep habarlaıdy Egemen.kz.
"Oblystyq aýrýhanada, №2 oblystyq aýrýhanada, oblystyq kardıologııalyq ortalyq pen Qurmanǵazy, Jylyoı, Qyzylqoǵa aýdandyq aýrýhanalarynda ortalyqtandyrylǵan ottegi stansasynyń qurylys-montaj jumystary júrgizilip jatyr. Sonymen qatar, Inder, Isataı aýdandyq aýrýhanalarynda ottegi stansasyn ornatýdy qarjylandyrý máselesi qaralýda" dedi Nurlybek Qabdyqaparov.
Onyń málimetine qaraǵanda, medısına mekemeleri 224 ókpeni jasandy jeldetý, 27 rentgen, 10 kompıýterlik tomografııa, 977 ottegi generatorymen, sondaı-aq, 1100 pýlsoksımetrmen qamtylyp otyr. Sondaı-aq, jeke qorǵanysh quraldarynyń eki aılyq qory jasaqtalǵan. Dári-dármektiń jetkilikti qory bar.