Sybaılas jemqorlyqpen kúresýshiler Eńbek, áleýmettik qorǵaý jáne kóshi-qon komıtetiniń Jambyl oblysy boıynsha departamentiniń basshysyn ustady. Bul týraly onlaın-brıfıngte Qazaqstannyń sybaılas jemqorlyqqa qarsy is-qımyl agenttigi departamentiniń asa mańyzdy ister jónindegi tergeýshisi Danııar Bıgaıdarov habarlady, dep jazady Egemen.kz
"Departament basshysy óz orynbasarynan osy laýazymǵa taǵaıyndaýǵa kómek kórsetkeni úshin 2 mıllıon teńge somasynda para aldy degen kúdikke ilindi. Taraz qalasynyń mamandandyrylǵan tergeý soty kúdiktige qatysty úıqamaq túrindegi bultartpaý sharasyn sanksııalady. Tergeý jalǵasýda", dedi ol.
Buǵan deıin habarlanǵandaı, eki qazaqstandyq sýdıa para aldy degen kúdikke ilindi. Sondaı-aq, Aıagóz ákimi 1,2 mıllıon teńge para aldy degen kúdikke baılanysty ustaldy.