Qyrkúıekte Qazaqstan sýdıalarynyń arasynda eki sybaılas jemqorlyq faktisi anyqtaldy. Zań mınıstrleri aqsha tólegenderdiń paıdasyna úkim shyǵardy. Bul týraly onlaın-brıfıngte Qazaqstan sybaılas jemqorlyqqa qarsy is-qımyl agenttiginiń birinshi departamentiniń asa mańyzdy ister jónindegi tergeýshisi Danııar Bıǵaıdarov málimdedi, dep habarlaıdy Egemen.kz.
Almaty oblysy Uıǵyr aýdandyq sotynyń sýdıasyna qatysty tergeý bastaldy.
"Ol jeke tulǵadan sot aktisin onyń paıdasyna shyǵarǵany úshin asa iri mólsherde para aldy degen kúdikke ilindi. Tergeý jalǵasýda", dedi asa mańyzdy ister boıynsha tergeýshi.
Ekinshisi Qyzylorda oblysy Shıeli aýdandyq sotynyń sýdıasy. Oǵan qatysty da tergeý júrgizilýde.
"Ol resmı qujattarǵa jalǵan málimetter engizý arqyly birneshe azamattyq is boıynsha kórineý ádiletsiz sheshimder shyǵardy dep kúdiktelýde. Atalǵan fakti boıynsha tergeý jalǵasýda. О́zge aqparat tergeý múddesinde baılanysty jarııa etilmeıdi", dep túıindedi ol.