Taýarlar men qyzmetterdiń sapasy men qaýipsizdigin baqylaý komıtetiniń juqpaly aýrýlardy epıdemııalyq qadaǵalaý basqarma basshysy Roza Qojapova elimizde koronavırýsty qaıta juqtyrǵandar tirkelmegenin aıtty, dep habarlaıdy Egemen.kz.
"Qazaqstanda koronavırýs ınfeksııasyn qaıta juqtyrý jaǵdaılary tirkelgen joq. Bul jańa ınfeksııa bolǵandyqtan, onyń qaıtadan juǵýy múmkindigi týraly naqty eshteńe aıta almaımyz. О́kinishke qaraı, bul suraqqa ázirge eshbir elde naqty jaýap joq. Bul koronavırýspen aýyrǵan adam uzaq baqylaýda bolǵan kezde ǵana anyqtalýy múmkin», - dedi Roza Qojapova Ortalyq kommýnıkasııalar qyzmetinde.
Eske sala keteıik, ótken táýlikte Qazaqstanda 78 adamnan koronavırýs anyqtaldy, 155 adam emdelip shyqty.Aıta keteıik, elimizde indet juqtyrǵandar sany 107134-ke jetti, 101610 naýqas jazylyp shyqty, 1671 adam qaıtys boldy.