Quryq aýyly ákimi apparatynyń qoldaýymen Qaraqııa aýdandyq polısııa bólimine 5 planshet jáne 5 termoprınter tartý etildi. Bul týraly Quryq aýylynyń ákimi Ǵabıt Salıhov málim etti, dep habarlaıdy Egemen.kz
- Planshet jáne termoprınter - búgingi polısııa qyzmetkerleriniń jumysyna óte qajetti qural. Buryn polısııa qyzmetkerleri hattamalardy qaǵaz júzinde toltyryp, ony tirkep júrgizýshiniń jáne óziniń ýaqytyn alatyn bolsa, planshet paıda bolǵaly elektrondyq hattama toltyryp, ýaqytty azaıtty. Oǵan nebári 10-15 mınýt jumsaıdy. Nátıjesinde júrgizýshiniń qolynda hattamanyń qaǵaz kóshirmesi qalady. Ony polıseıler arnaıy mobıldi termoprınterde basyp shyǵaryp beredi. Osyndaı zamanaýı júıelerdi qoldaný polıseılerdiń azamattarmen baılanys ýaqytyn azaıtýǵa, jol qozǵalysyna qatysýshylardyń tártibin arttyrýǵa múmkindik berdi, dedi ol.