Áleýmettik jelilerde Shýche-Býrabaı kýrorttyq aımaǵynyń kólinde balyqtardyń qyrylǵany týraly habarlama tarady, dep habarlaıdy Egemen.kz.
Aqparatqa baılanysty, 2020 jylǵy 14 qyrkúıekte "Qazgıdromet" RMK Aqmola oblysy boıynsha fılıaly Býrabaı kóliniń 5 núktesinde jerústi sýlarynyń synamalaryna jospardan tys irikteý jáne taldaý júrgizdi:
1 núkte: balyqtardyń qyrylý orny;
2 núkte: balyqtardyń qyrylý ornynan ońǵa qaraı 250 m;
3 núkte: balyqtardyń qyrylý ornynan ońǵa qaraı 500 m;
4 núkte: balyqtardyń qyrylý ornynan solǵa qaraı 250 m;
5 núkte: balyqtardyń qyrylý ornynan solǵa qaraı 500 m;
OBT5 boıynsha sýdy taldaý nátıjeleri norma sheginde (2,22-5,67 mg/dm3) jáne qaýipti metaldar shoǵyrlanýynyń shekten asyp ketýi baıqalmaǵan.