Taılandta jergilikti ekologııaǵa zardabyn tıgizip júrgen adamdarmen kúresýdiń ońtaıly tásili oılap tabyldy. Tanymal Haýı ulttyq parkiniń qyzmetkerleri týrısterge ózderi qaldyrǵan qoqystaryn poshta arqyly qaıta jiberedi, dep habarlaıdy Egemen.kz
Bul týraly eldiń Ekologııa mınıstri Varavýt Sılpa-Archa málimdedi.
Kelýshiler saıabaqqa kirmes buryn olar eń aldymen mekenjaılaryn kórsetýi tıis. Sebebi qoqysty tastap ketken jaǵdaıda olardy taýyp alý tıimdirek bolmaq. Sondaı-aq quqyq buzyshylarǵa qatysty shaǵymdardy polısııa ókilderine habarlaı alady.
Taılandtyń ekologııa mınıstri Sılpa-Archa óziniń Facebook paraqshasynda qoqystardy jınastyryp, olardy óz ıelerine jiberýge ázir ekenin aıtty.
"Siz bul plastıkalyq bótelkeler, bankalar men chıpsı qaptamalaryn Haýı ulttyq parkinde umytyp kettińiz!", dep jazbada kórsetilgen.
Sondaı-aq mınıstr kelýshilerdiń saıabaqty lastap, sý aıdyndaryn bitep tastaǵany úshin zańnama boıynsha bes jylǵa deıin bas bostandyǵynan aıyrý nemese aıyppul salynýy múmkin ekendigin eske saldy. Ulttyq park ákimshiliginiń aıtýynsha, qoqystyń qaldyqtary janýarlar úshin óte qaýipti ekenin jetkizdi.