18 qyrkúıek kúni Dostoevskııdiń ádebı-memorıaldyq mýzeıinde jazýshynyń memorıaldyq páteri boıynsha koreı tilindegi aýdıogıdti saltanatty túrde tapsyrý rásimi ótti.
Dostoevskııdiń barlyq derlik shyǵarmalary koreı tiline aýdarylǵandyqtan, ony Koreıadaǵy eń tanymal orys jazýshysy dep ataı alamyz. Sondyqtan Peterbýrgke kelgen árbir káris Kýznechnyı tuıyq kóshesindegi Dostoevskıı mýzeıine mindetti túrde bas suǵady.
Mine, osy maqsatta Koreıa Respýblıkasynyń Sankt-Peterbýrgtegi Bas konsýldyǵy mýzeıge arnalǵan koreı tilindegi aýdıogıd jasaý týraly usynys túsirgen. Bul usynys qoldaý taýyp, endi qalanyń koreılik qonaqtary Fedor Mıhaılovıchtiń ómiri men shyǵarmashylyǵy jóninde baıandaıtyn ekskýrsııany óz tilderinde tamashalaı alady. Atalǵan jobanyń dıktory Dostoevskııdiń tvorchestvosyn tereń biletin koreıalyq belgili professor Sok En Djýn boldy.