Fýtboldan Qazaqstan chempıonatynda dop tebetin eń qymbat fýtbolshy ózgerdi. Buǵan deıin kósh basynda turǵan «Astana» klýbynyń horvatııalyq fýtbolshysy Marın Tomasov (3,8 mıllıon eýro) úshinshi orynǵa túsip qaldy. Onyń qazirgi baǵasy – 2 mıllıon eýro.
Transfermarkt saıtynyń deregi boıynsha, endi el birinshiliginde óner kórsetetin eń qymbat fýtbolshy «Qaırat» komandasynyń polshalyq legıoneri – Iаsek Gýralskı. Onyń transferlik quny – 2,5 mıllıon eýro. Qymbat fýtbolshylardyń ekinshi satysyna «Qaırattyń» taǵy bir fýtbolshysy Aderınsola Eseola ornalasqan. Ýkraınalyq fýtbolshynyń transferlik quny – 2,2 mıllıon eýro.
Keıingi oryndarǵa myna fýtbolshylar jaıǵasqan: Rade Dýgalıch («Qaırat», Serbııa) – 1,8 mıllıon eýro, Dmıtrıı Shomko («Astana», Qazaqstan) – 1,8 mıllıon eýro, Dorın Rotarıý («Astana», Rýmynııa) – 1,7 mıllıon eýro, Pıeros Sotırıý («Astana», Kıpr) – 1,7 mıllıon eýro, Dıno Mıkanovıch («Qaırat», Horvatııa) – 1,7 mıllıon eýro, Stas Pokatılov («Qaırat», Qazaqstan) – 1,5 mıllıon eýro, Roman Murtazaev («Tobyl», Qazaqstan) – 1,5 mıllıon eýro, Nuráli Álip («Qaırat», Qazaqstan) – 1,5 mıllıon eýro, Tıgran Barsegıan («Astana», Armenııa) – 1,5 mıllıon eýro.