Shyǵys Qazaqstandaǵy ekologııalyq problemalar arnaıy Jol kartasy aıasynda sheshiletin bolady. Bul týraly taıaýda óńir turǵyndarynyń qatysýymen ótken onlaın jıynda Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty. Beıne baılanys arqyly ótken kezdesýde aımaqtaǵy ózekti máseleler kóterildi.
Jol kartasy arqyly aldaǵy jyldary Rıdder metallýrgııalyq kesheninde óndiris oryndarynan aýaǵa shyqqan qaldyqqa monıtorıng júrgizýdiń avtomattandyrylǵan júıesin engizý, jeke sektordy ortalyq jylýmen jabdyqtaý júıesine qosý, oblystaǵy qalalarda lastaýshy zattarǵa saraptama jasaıtyn zamanaýı zerthanalar salý, sol sekildi aǵash otyrǵyzý kólemin arttyrýǵa baǵyttalǵan 30-ǵa jýyq is-shara josparlanǵan.
«Jergilikti halyq qorshaǵan ortanyń jaǵdaıyna baılanysty atqarylyp jatqan jumystar týraly bilýi tıis. Sondyqtan Jol kartasyn birlesip daıyndaýǵa shaqyramyn, biz barlyq usynystardy tyńdap, eskerýge daıynbyz. Jol kartasy mazmundy, nátıjeli bolýy kerek. О́ńirdegi problemalar ondaǵan jyldar boıy jınalyp qalǵany málim. Sondyqtan olar birden sheshile qoımaıdy. Degenmen óndiristik óńirdegi qorshaǵan ortanyń jaǵdaıyn jaqsartý úshin bar kúshimizdi salýymyz qajet», dedi M.Myrzaǵalıev.
Jol kartasy usynystar qabyldanǵannan keıin qoǵam ókilderine qaıta tanystyrylady.
Onlaın jıynda qoǵam belsendileri men ǵalymdar atmosferalyq aýanyń lastanýy, oǵan qatysty qabyldanyp jatqan sharalarǵa qatysty saýaldaryn joldaýǵa múmkindik aldy. Aımaq turǵyndary ekologııalyq monıtorıng beketteriniń sanyn kóbeıtýdi surady. Vedomstvo basshysy Ekologııalyq kodekste naqty qadamdar kórsetilgenimen óńirdegi qorshaǵan ortanyń ahýalyn retteýge baılanysty shuǵyl áreketter qajet ekenin aıtty.
«Eýropa «Ozyq qoljetimdi tehnologııalar» (OQT) arqyly ekologııalyq ahýaldy jaqsartýǵa 15 jyl jumsaǵanyn bilemiz. Biz Ekologııalyq kodekste bul merzimdi de eskerdik. Biraq jyldar boıy kútip, qarap otyra almaımyz. Barynsha tezirek áreket etýimiz kerek. Halyq jáne jergilikti atqarýshy organ ókilderimen bas qosyp otyrǵanymyz da sol», dedi mınıstr.
M.Myrzaǵalıevtiń aıtýynsha, byltyr óndiris oryndary tabıǵatty lastaǵany úshin 90 mlrd teńgedeı tólegen. Onyń 40 mlrd somasy eldegi ekologııalyq jaǵdaıdy jaqsartý sharalaryna baǵyttaldy.