"Hımkı" fýtbol klýby resmı saıtynda komandanyń bas bapkeri Dmıtrıı Gýnkonyń qyzmetinen ketkenin habarlady. Klýb bas bapkermen kelisimshartty eki jaqty kelisim boıynsha buzǵan, dep jazady Egemen.kz.
Komandanyń bas bapkeri qyzmetin ýaqytsha Igor Iýshenko atqarady. Dál osy bapkerdiń bastamasymen komanda 28 qyrkúıek kúni "Dınamo" klýbyna qarsy kezdesýge daıyndyq jumystaryn ótkizip jatyr.
Sondaı-aq máskeýlik ujymnan komandanyń sport dırektory Sergeı Egorov ta ketipti. Bul mamanmen de klýb kelisimshartty eki jaqty kelisim boıynsha úzgen. Osy mamandar "Hımkı" sapyna Qazaqstan quramasynyń jartylaı qorǵaýshysy Islabek Qýatty shaqyrǵan bolatyn. Reseı birinshiliginiń bıylǵy maýsymynda otandasymyz bul komanda sapynda eki oıynǵa qatysyp úlgerdi. Al "Chempıonat" basylymynyń aqparaty boıynsha, "Hımkı" komandasynyń jańa bas bapkeri Igor Cherevchenko bolady. Týlalyq "Arsenal" komandasynyń burynǵy bapkerin máskeýlik klýb fýtbolshylaryna 22 qyrkúıek kúni tanystyrady. Aıta keteıik, "Hımkı" komandasy Reseı birinshiliginde segiz týrdan keıin 3 upaı jınap, týrnır kestesinde 15-orynda keledi.