Reseı prezıdenti Vladımır Pýtın terrorshylarǵa qarsy qoldanylatyn talaby qatal zańǵa qol qoıdy. Bul týraly «Internovostı. rý» portaly habarlady.
Atalǵan jańa zań boıynsha endi lańkesterdiń týǵan-týystary da belgili bir deńgeıde jaýapkershilik qamytyn kımek. Naqtysyn aıtqanda, lańkestik áreket jasaǵan adamdardyń týǵan-týystary oqıǵa sebepterinen bolǵan materıaldyq jáne moraldyq shyǵyndy óteýge jańa zań negizinde mindettelmek. Budan bólek, jańa zań terrorshylardyń aǵaıyndary men dostarynyń dúnıe-múlkin tárkileýge jol ashyp otyr.
Sondaı-aq, atalǵan zań boıynsha lańkestik top qurýshylar 20 jylǵa deıin bas bostandyǵynan aıyrylady, onyń ústine, 1 mıllıon rýbl kóleminde aıyppul tóleıdi. Al lańkestik áreketter jasaý úshin arnaıy jattyǵýdan ótkender 10 jylǵa deıin túrmede otyrady ári 500 myń rýbl aıyppul tóleıdi.
Bul zańdy sheteldik sarapshylar qatty synǵa ala bastady. Olar osy zań arqyly Kreml Kavkazdy jáne ózge de shet aımaqtardy «tunshyqtyryp» ustaýdy kózdeıdi dep esepteýde.
Keıbir sarapshylar Pýtınniń bul áreketin Sochı Olımpıadasy qarsańynda tártipti kúsheıtýdiń amaly dep sanaıdy.
Joldybaı Bazar.