QR IIM jelide taraǵan vıdeoǵa baılanysty, kishkentaı sábıge shıki et jegizgen ata-anany izdestirip jatyr, dep habarlaıdy Egemen.kz.
Qazaqstan balalar quqyqtaryn qorǵaý komıteti tóraǵasynyń orynbasary Iýlııa Ovechkınanyń aıtýynsha, balanyń zańdy ókilderi tabylǵannan keıin olarmen túsindirý jumystary júrgiziledi. Al ázirge olardy ishki ister mınıstrligi izdestirip jatyr.
"Qajet bolǵan jaǵdaıda balaǵa medısınalyq kómek kórsetiledi. Ata-analar balalarynyń densaýlyǵyna, fızıkalyq, psıhıkalyq, rýhanı jáne moraldyq damýyna qamqorlyq jasaý kerek ekenin umytpaýy kerek. Sonymen qatar, olar balanyń ómiri, densaýlyǵy men qaýipsizdigi úshin ákimshilik jáne qylmystyq jaýapkershilikke tartylatyndyǵyn este ustaǵan jón", dedi Iýlııa Ovechkına.
Sondaı-aq pedıatr-dáriger Marııa Golovenko da beınerolıkke túsinikteme berdi. Onyń aıtýynsha, shıki et jeý balanyń densaýlyǵy úshin óte qaýipti.
Eske salaıyq, kúni keshe áleýmettik jelide bir jas shamasyndaǵy balanyń shıki et tistelep otyrǵan vıdeosy qyzý talqyǵa túsip edi.