Ashylý saltanatyna qala ákiminiń orynbasary Aıbek Sáttibaev, "Rahat" AQ Basqarma tóraǵasy Konstantın Fedores qatysty.
Joba quny 3,2 mlrd. teńgeni quraıdy. Onyń ishinde 2,6 mlrd.teńge "Damý О́ndiris" jeńildetilgen nesıeleý baǵdarlamasy boıynsha alynǵan. Atalǵan kásiporyn ótken jyly sáýir aıynda Shymkent qalasynyń ákimdigi men "Rahat-Shymkent" JShS arasynda jasalǵan memorandýmǵa sáıkes marmelad óndiretin jańa jelisin iske qosqan bolatyn.
Búginde fabrıka 12 myń tonna qantty kúlshe jáne marmelad óndiredi. Kásiporyn zamanaýı qural – jabdyqtarmen jabdyqtalǵan. Joba aıasynda 130 adam turaqty jumys ornymen qamtyldy.
Memleket tarapynan qoldaý taýyp, 180 mln teńge sýbsıdııa berildi. Marmelad, qantty kúlshe jáne basqa da kondıterlik ónimderin TMD, Evropa jáne Azııa elderiniń naryǵyna shyǵarylady.