Májilis depýtattary Merýert Qazbekova, Narıne Mıkaelıan, Álııa Saparova jáne Irına Smırnova Parlament depýttaryna arnalǵan semınarǵa beıne-konferensııa arqyly qatysty, dep habarlaıdy Egemen.kz Májilistiń baspasóz qyzmetine silteme jasap.
"Ortalyq Azııa men Aýǵanstandaǵy beıbitshilik pen turaqtylyq úshin áıelder parlamentshileriniń seriktestigi" taqyrybynda ótken semınardy Ortalyq Azııa úshin preventıvti dıplomatııa boıynsha BUU Aımaqtyq Ortalyǵy uıymdastyrdy.
Jıyn barysynda depýtattar genderlik teńdikti ilgeriletýdiń negizgi qaǵıdalarymen, Ortalyq Azııa men Aýǵanstan parlamentterindegi áıelderdiń ókildikterimen, olardyń áıelder, beıbitshilik pen qaýipsizdik týraly 1325 rezolıýsııasyn júzege asyrýdaǵy rólimen tanysty. Bul 2000 jyly Birikken Ulttar Uıymynyń Qaýipsizdik keńesi shıelenisterdi boldyrmaý, bitimgershilik jáne qaýipsizdik prosesterindegi áıelderdiń belsendi rólin keńeıtý maqsatynda №1325 – "Áıelder, beıbitshilik jáne qaýipsizdik" rezolıýsııasy qabyldanǵan.
Sonymen qatar jıynda depýtat áıelderdiń jumys barysy jáne olardyń memlekettik saıasatqa áseri týraly tolyǵyraq talqylandy. Sondaı-aq semınarda memlekettik jáne úkimettik emes uıymdarmen, qoǵamdyq birlestiktermen seriktestik baılanys ornatý máseleler týraly da qaraldy.