Almaty oblysynyń Uıǵyr aýdanynda oqys oqıǵa boldy. Aýdan ortalyǵy Shonjy aýylynda salynyp jatqan sport saýyqtyrý kesheni ǵımaratynyń tóbesi opyrylyp tústi, dep habarlaıdy Egemen.kz.
Aldyn ala boljam boıynsha apat qurylys alańyndaǵy úshinshi bólik shatyryna qoıylǵan metal konstrýksııanyń qulaýynan bolýy múmkin. Oqıǵa sebepterin anyqtaý úshin oblys ákiminiń birinshi orynbasary Lázzat Turlashev bastaǵan arnaıy komıssııa qurylyp, jumys isteýde.
- Jumys komıssııasynyń quramyna oblystyq qurylys, ónerkásiptik qaýipsizdik, memlekettik sáýlet qurylys baqylaý basqarmasy, tótenshe jaǵdaılar departamenti, tehnıkalyq jáne avtorlyq qadaǵalaý ınstıtýtynyń mamandary men qurylystyń bas merdigeri "Lıder-NK" seriktestiginń ókilderi kirdi. Qazir qurylǵan komıssııa músheleri shatyr blogynyń qulaý sebepterin anyqtaý jáne osyndaı jaǵdaılardyń aldyn-alý maqsatynda atalmysh nysanda jan-jaqty tekserý júrgizip jatyr. Komıssııa jumysynyń nátıjeleri aldaǵy ýaqytta qosymsha habarlanady, dep habarlady Almaty oblysy ákiminiń baspasóz qyzmeti.
Jalpy, Shonjydaǵy ǵımarattyń qurylysy byltyr bastalǵan. О́ńirdegi mańdaıaldy sport nysany bolýy tıis ǵımarat jyldyń sońyna deıin iske qosylyp, paılanýǵa berilýi tıis edi. Oblystyq qurylys basqarmasynyń tapsyrysymen irgesi qalanǵan dene shynyqtyrý keshenin salýǵa 1 mlrd 171 mln teńge qarjy bólingen eken.
- Aýdanymyzda salynyp jatqan dene shynyqtyrý-saýyqtyrý kesheniniń 3-bóliginde apat boldy. Sport zaldyń jumsaq shatyryn salý kezinde metall konstrýksııa qulap ketken. Oqys oqıǵadan zardap shekkender joq. Qulaǵan bloktyń aýdany 1058,4 sharshy metrdi quraıdy. Apattyń ǵımarattyń qalaǵan birinshi jáne ekinshi bloktaryna zııan kelmegen. Oqıaǵ sebetin aranıy komıssııa anyqtaıtyn bolady, dedi bizge Uıǵyr aýdanynyń ákimi Shýhrat Nurahýnov
Aıtpaqshy, byltyr elimiz boıynsha irili-ýaqty 1238 sport nysany salynyp paıdalanýǵa berilgen bolatyn. Onyń ishinde dene shynyqtyrý men salamatty ómir saltyn saqtaýǵa arnalǵan 13 ámbebap saýyqtyrý kesheni bar eken. Bıyl dál osyndaı 48 ǵımarattyń qurylysy aıaqtalyp, buqaralyq sportty damytýǵa óz úlesin qosýy tıis-tuǵyn. Al aımaqtarda irgesi qalanyp, qurylys qyzǵan dene shynyqtyrý jáne saýyqtyrý kesheninińsany júzdiń ústinde. Bul sanatta Almaty oblysy da bar. Jyl sońyna deıin Jetisýda 4 sport kesheni paıdalanýǵa berilýi kerek bolǵan. Shonjy aýylyndaǵy tóbesi opyrylyp túsken ǵımarat ta osy tizimde edi.