Almatyda №4 qalalyq aýrýhana dárigerleri 17 jastaǵy boıjetkenniń asqazanynan 1 keli shash alyp shyqty, dep habarlaıdy Egemen.kz.
Aýrýhana hırýrgy Abylaı Baımahanovtyń aıtýynsha, boıjetken asqazanynyń epıgastrıı aımaǵy aýyryp aýrýhanaǵa túsken. Oǵan fıbrogastrodýodenoskopııa (FGDS), kompıýterlik tomografııa jasalǵan. Nátıjesinde onyń asqazanynda shashtyń jumarlanǵan túınegi (trıhobezoar) bary anyqtalǵan. Bezoar adamdar arasynda óte kezdesedi, ol kóbinde kúıseıtin janýarlarda bolady. Naýqas óziniń asqazanynda shash baryn múlde bilmegen.
"Búgin pasıentke josparly ota jasaldy. Laparotomııa, gastrotomııa, otasy kezinde asqazan pishinin qaıtalap turǵan trıhobezoar anyqtaldy. Bul túınek asqazannyń 70 paıyz aýdanyn alyp turǵan. Boıjetkenniń ózi shash jegenin moıyndamaı tur. Alaıda bul birneshe jyldar boıy qalyptasqan túınek. Onyń salmaǵy 1 kelige jetip qalǵan soń asqazannyń pishini sozylǵan", - dedi aýrýhana hırýrgy Abylaı Baımahanov.
Onyń aıtýynsha, tájirıbede trıhobezoar óte sırek kezdesedi. Odan keletin qaýip óte joǵary. Konkrement asqazan-ishek jolymen qozǵalý kezinde asqazannyń bitelýine nemese asqazannyń tesilýine alyp kelýi múmkin boldy. Abyroı bolǵanda naýqas medısınalyq kómekke ýaqytynda júgingen.
Sondaı-aq hırýrg-dáriger, assıstent Dáýren Jýmataev tyrnaq tisteý nemese shash shaınap jutý psıhologııalyq ádet ekenin aıtady.
"Balalardyń ádetterine erte jastan nazar aýdarý kerek. Sondaı - aq, shash aǵzaǵa tamaqpen birge ketip, jyldar boıy massaǵa jınalýy múmkin", - dedi Dáýren Jýmataev.
Aıta keteıik, mundaı jaǵdaı kóp jaǵdaıda 30 jasqa deıingi qyz balalarda kezdesedi. Aýrýdyń bastalýy ádette sımptomsyz bolady. Jumarlanǵan túınek ósip kele jatqanda, ish aýyryp, aýyrlyq sezimi paıda bolady, júrek aıný, qusý, tábettiń tómendeýi, temir tapshylyǵynyń anemııasy damıdy.