Mańǵystaý oblysynda iri kólemde marıhýana esirtkisin saqtaǵany úshin er adam 10 jylǵa bas bostandyǵynan aıyryldy. Bul týraly Mańǵystaý stansııasyndaǵy jelilik polısııa bólimi kadr saıasaty tobynyń ınspektory, polısııa aǵa leıtenanty Dáýren Narımanov aıtty, dep habarlaıdy Egemen.kz.
Jedel izdestirý sharasy barysynda polısııa qyzmetkerleri Mańǵyshlaq kentinde 32 jastaǵy er adamdy ustaǵan. Tekseris barysynda er adamnyń garajynan asa iri kólemde erekshe ıisi bar jasyl tústi ósimdik tabylǵan.
Saraptama qorytyndysyna sáıkes, tárkilengen zat keptirilgen marıhýana esirtkisi ekeni anyqtalǵan. "Bul fakt boıynsha kólik polısııasynyń qyzmetkerleri QR Qylmystyq kodeksiniń 297-baby 3-bóligi ("Satý maqsatynda asa iri mólsherde esirtki zatyn saqtaý") boıynsha sotqa deıingi tergeý júrgizildi. Mańǵystaý oblysy boıynsha mamandandyrylǵan aýdanaralyq qylmystyq sotynyń úkimimen er adam kináli dep tanylyp, 10 jylǵa bas bostandyǵynan aıyryldy, deıdi Dáýren Narımanov.